مه‌سرور بارزانى : شانازییێ ب په‌یوه‌ندییێن خوه‌ دگه‌ل ئوردنێ دبه‌ین

ب ئاماده‌بوونا سه‌رۆكێ حكومه‌تا هه‌رێما كوردستانێ ئاهه‌نگا ده‌رچوویێن بسپۆرییێن نۆشدارى ل هه‌ولێرێ ب رێڤه‌چوو.

مه‌سرور بارزانى سه‌رۆكێ حكومه‌تا هه‌رێما كوردستانێ د چارچووڤێ رێوره‌سماندا گوتاره‌ك پێشكێشكر و راگه‌هاند، ده‌ستخۆشییێ ل جڤاتا بلندا كوردستانێ بۆ بسپۆرییێن نۆشدارى دكه‌ت كو وه‌كو ده‌زگه‌هه‌كێ فێركارى و راهێنانان د بوارێ نۆشداریدا و ژ پێخه‌مه‌ت پێشڤه‌برنا خواندنێ و بسپۆرى و پیشه‌یى و نۆشدارى و ڤه‌كۆلینان و بده‌ستڤه‌ئینانا باوه‌رییا ناڤه‌ندێن نۆشدارییێن نێڤده‌وله‌تى كار دكه‌ت.

ئاماژه‌ ب هندێ ژى دا، وى رێز و پێزانین بۆ جڤاتا نۆشدارییا ئوردنى هه‌نه‌، كو باوه‌رییا خوه‌ ب پرۆگرام و سه‌نته‌رێن جڤاتا بلندا كوردستانێ ئینایه‌، ب وێ هاریكارى و هه‌ماهه‌نگییا ب هێز یا دناڤبه‌را هه‌رێما كوردستانێ و شانشینا ئوردنیدا ب تایبه‌تى دبوارێ ساخله‌مییێدا هه‌ى یێ كه‌یفخۆشه‌.

گوت ژى : ئه‌و هه‌موو ده‌مان شانازییێ ب په‌یوه‌ندییێن مێژوویى و دۆستانه‌ ب تایبه‌تى یێن دناڤبه‌را هه‌رێما كوردستانێ و شاهنشینا هاشمییا ئوردنیدا ب رێبه‌رییا شاهـ عه‌بدوللایێ دووێ دكه‌ن، كو د قووناغێن جۆدا دا پشته‌ڤانێن هه‌رێما كوردستانێ بوون.