<h3 style="text-align: justify;"><span style="font-size: 18pt;">ئامارهكا وهزارهتا پلاندانانا عیراقێ ئاشكراكر، بكارئینانا مۆبایلێ دناڤ زارۆكاندا گهلهك زێدهبوویه و گههشتییه 79%ێ و دووپات كر، رێژهیا وان خێزانێن ل مال هێلا ئینتهرنێتێ ههى بۆ 87%ێ زێدهبوویه.</span></h3> <h3 style="text-align: justify;"><span style="font-size: 18pt;">عهبدولزههره هنداوى، پهیڤدارێ وهزارهتا پلاندانانا عیراقێ راگههاند، دهزگههێ سهنتهرێ ئاماران، راپرسییهك ل سهر بكارئینانا تهكنۆلۆجییا زانیارى و پهیوهندییان بۆ خێزان و تاكان بۆ سالا 2022ێ كر و دهركهڤت 68%ێ یا عیراقییان یێن ژییێ وان دسهر پێنج سالییێدا، مۆبایلێ بكاردئینن و رێژهیا بكارئینانا تلهفۆنێ ژى ل دهڤ رهگهزێ نێر دگههیته 90%ێ دبهرامبهردا ل دهڤ رهگهزێ مێ 81%ێ یه، رێژهیا وان كهسین مۆبایلێ بكار نهئینن ب تنێ 14%ێ بوویه.</span></h3> <h3 style="text-align: justify;"><span style="font-size: 18pt;">عهبدولزههره هنداوى روونكر، رێژهیا بكارئینانا مۆبایلێ ل پارێزگهها بهغدا پترینه و گههشتییه 97%ێ، دووڤدا پارێزگهها نهجهف ب رێژهیا 93%ێ دهێت، پارێزگهها كهركووكێ ب رێژهیا 92%ێ ل رێزا چارێ دهێت.</span></h3> <h3 style="text-align: justify;"><span style="font-size: 18pt;">دووپات ژى كر، ئهنجامێن راپرسییێ دهرخستن، رێژهیا ئهوان كهسێن ژییێ وان دسهر پێنج سالییێدانه و مۆبایلێ بكاردئینن، گههشته 79%ێ.</span></h3> <h3 style="text-align: justify;"><span style="font-size: 18pt;">گوت ژى : ئهنجامێن راپرسییێ ئاماژهیێ ب زێدهبوونا رێژهیا وان خێزانان دكهت یێن ل مال هێلا ئینتهرنێتێ ههیى كو گههشتییه 87%ێ.</span></h3>
