ئاژانسا خانی:
بریکارێ وەزارەتا ئاڤەدانکرنێ و ئاكنجیكرنێ ل حكومه‌تا هه‌رێما كوردستانێ ئاشكرا كر، د كابینا نه‌هێ دا بۆ رێیان و دروستکرنا تونێل و پران 883 ملیار دینار بۆ 65 پرۆژان خەرج كرینە و هزار و 300 کیلۆمەترێن رێكێ کەفتینە د خزمەتا وه‌لاتیین دا.
د. ئاگرین عەبدوللا، زێده‌تر دبێژیت: د هه‌یاما چار سالێن بوری دا ل سەر سێ جۆرێن بودجەیی پرۆژێن رێیان بجهئیناینه، ئێك بودجێ وەبەرهێنانێ، 65 پرۆژێن رێیان هاتینه بجهئینان کو ب دوسایدکرنا ڕێیان و دروستکرنا تونێل و پران و 883 ملیار دینار بۆ هاتینه خەرج كرن، هەروەسا هزار و 300 کیلۆمەترێن ڕێیان کەفتینە د خزمەتا وه‌لاتییان دا.
گۆت ژی: یا دووێ ل سەر بودجەیێ ئاسایی، چەند پرۆژێن بچووک و ناڤنجی هاتینه بجهئینان كو 14 ملیار و 420 ملیۆن دینار بۆ هاتینه خەرج كرن، یا سێیێ ژی ل سەر بودجەیێ 30% ێ داهاتی وێستگەهان بوویە، کو جڤاتا وەزیران و وەزارەتا دارایی داینه وەزاره‌تا مه و 204 پرۆژێن بچووک هاتینه بجهئینان كو رێكێن گوندان پێ هاتینه قێر کرن.”
