سه‌باره‌ت زانكۆیا دهۆكێ سه‌رۆكێ حكومه‌تا هه‌رێما كوردستانێ دووپاتى ل هندێ كر، زانكۆیا دهۆكێ د ده‌مێن ب زه‌حمه‌ت دا هاته دامه‌زراندن و ب خۆ ڕاگرى و ماندیبوونا مامۆستایێن زانكۆیێ ڕۆژ بۆ ڕۆژێ زێده‌تر به‌ره‌ڤ پێش دچیت و ئه‌ڤرۆ زانكۆیا دهۆكێ ئێك ژ زانكۆیێن هه‌ره باش و گرنگیێن كوردستانێیه و پشكه‌ك ژ ده‌رچوویێن ڤێ زانكۆیێ ل جهێن جۆدا به‌رپرسێن به‌رچاڤن و خزمه‌تێ دكه‌ن.
ژلایه‌كێ دیڤه دیاركر، ل ئاستێ ئورۆپا و ڕۆژهه‌لاتا ناڤین ئالۆزى و شه‌ڕ دبه‌رده‌وامن و مه‌ترسییا به‌لاڤبوونا وان ئالۆزییان هه‌نه، كورد دزانن ده‌رئه‌نجامێ شه‌ڕى چه‌ند یێ وێرانكه‌ره، له‌وما دخوازن دووماهى ب ئالۆزییان بهێت و كو‌شتنا وه‌لاتییێن سڤیل بهێته ڕاگرتن و ئاریشه ب ئاشتییانه بهێنه چاره‌سه‌ركرن.
هه‌روه‌سا گوت: ئه‌گه‌ر ئێك و دوو قه‌بوولكرن و دادپه‌روه‌رى هه‌بیت، ڕۆژهه‌لاتا ناڤین دێ بیته ئێك ژ ده‌ڤه‌رێن پێشكه‌ڤتى یێن جیهانێ.
