وه‌زیرێ ناڤخۆ یێ عیراقێ : مه‌ ب ڕێژه‌یا 98%ێ ب قاچاخبرنا په‌ترۆلێ كۆنترۆلكرییه‌

وه‌زیرێ ناڤخۆ یێ عیراقێ ڕاگه‌هاند، ئه‌ڤ ساله‌ زێده‌تر ژ 1000 ئه‌فسه‌ر و ئه‌ندامێن هێزێن ناڤخۆ ژ ڕێزێن وه‌زاره‌تا وان هاتینه‌ ده‌رخستن، ب قاچاخبرنا په‌ترۆلێ و به‌رهه‌مێن په‌ترۆلى ب رێژه‌یا 98%ێ هاتییه‌ كۆنترۆلكرن، سه‌رۆكێ دامه‌زراوه‌یه‌كا شه‌فافیه‌ت و ده‌ستپاكییێ دبێژیت : هێشتا دزینا په‌ترۆلێ و كۆنكرنا بۆرییان یا به‌رده‌وامه‌.

عه‌بدولئه‌میر شه‌ممه‌رى وه‌زیرێ ناڤخۆ یێ عیراقێ دیاركر، ئه‌ڤ ساله‌ 153 ئه‌فسه‌ر و 899 ئه‌ندامێن هێزێن ئه‌منى ب بریارا دادگه‌ها هێزێن ئاسایشا ناڤخۆ هاتنه‌ دوورخستن، دزینا په‌ترۆلێ ب ڕێژه‌یا 98%ێ هاتییه‌ كۆنترۆلكرن.

لێ محه‌مه‌د روبه‌یعى سه‌رۆكێ دامه‌زراوه‌یا نه‌هرێن بۆ شه‌فافییه‌ت و ده‌ستپاكییێ ل دۆر وێ چه‌ندێ دبێژیت : ب قاچاخبرنا په‌ترۆلێ هێشتا یا به‌رده‌وامه‌ و ب ساناهى ناهێته‌ كۆنترۆلكرن، هه‌تاكو سزا ب تمامى نه‌هێنه‌ تۆندكرن و ئه‌و كه‌سێن كو به‌رپرسێن مه‌زن و ل پشتا دزانن نه‌هێنه‌ ده‌سته‌سه‌ركرن.