<h3 style="text-align: justify;"><span style="font-size: 18pt;">بەرپرسەكێ وەزارەتا كار و كاروبارێن جڤاكی یێ هەرێما كوردستانێ ڕاگەهاند، ل سالا نوو قەرێن بچووك دێ ب 25 پرۆژەیان هێنە دان.</span></h3> <h3 style="text-align: justify;"><span style="font-size: 18pt;">ل ڕۆژا 25-9-2023ێ حكومه‌تا هه‌رێما كوردستانێ پرۆژه‌یێ گه‌شانه‌وه ڕاگه‌هاند، كو یێ تایبه‌ته ب پێدانا قه‌ران بۆ پرۆژه‌یێن بچووك و ناڤنجى ل هه‌رێما كوردستانێ، پرۆژه دێ ب هه‌ڤكارى دگه‌ل بانكا جیهان هێته بجهئینان، هه‌ڤده‌م وه‌زاره‌تا كاروبارێن جڤاكى لینكه‌كێ ئۆنلاین به‌لاڤكرییه و داخواز ژ وه‌لاتییان كرییه، هه‌ر كه‌سه‌كێ پێدڤى ب قه‌ران بیت، بلا فۆرمێ پر بكه‌ت و ل قووناغا ئێكێ دێ 25 پرۆژه‌یان هه‌لبژێرن.</span></h3> <h3 style="text-align: justify;"><span style="font-size: 18pt;">ئارام ئه‌نوه‌ر رێڤه‌به‌رێ سندوقا پشته‌ڤانییا پرۆژه‌یێن بچووكێن گه‌نجان ل وه‌زاره‌تا كار و كاروبارێن جڤاكى دیاركر، ناڤ نڤێسین بۆ پێدانا قه‌ران ل 22 هه‌یڤا بوورى تمام بوویه، نوكه مژوولى ئێكلاكرنا ئامارانه دا بزانن چه‌ند كه‌سان ب ئۆنلاین فۆرمه پركرییه، ل قووناغا ئێكێ 40 پرۆژه دێ هێنه دیاركرن.</span></h3> <h3 style="text-align: justify;"><span style="font-size: 18pt;">ئه‌و 40 كه‌سه ل ده‌ستپێكێ 25 ژ وان دێ قه‌رى وه‌رگرن، ئه‌وێن دى ژى دێ یه‌ده‌ك بن بۆ هندێ ووردبینى د 25 پرۆژه‌یاندا بهێته‌كرن، هه‌ر پرۆژه‌یه‌كێ ئاریشه هه‌بن دێ پرۆژه‌یێن یه‌ده‌ك هێنه وه‌رگرتن.</span></h3>
