دانوستاندنێن هه‌ولێر و به‌غدا بۆ هنارتنا په‌ترۆلا هه‌رێما كوردستانێ دبه‌رده‌وامن

كۆمبوونێن دناڤبه‌را حكومه‌تا هه‌رێما كوردستانێ و حكومه‌تا عیراقا فیدرالدا ل هه‌ولێرێ بۆ چاره‌سه‌ركرنا بابه‌تێ په‌ترۆلێ و ده‌ستپێكرنا هنارتنا په‌ترۆلا هه‌رێما كوردستانێ د به‌رده‌وامن.

فه‌رمانگه‌ها میدیا و زانیارییان یا حكومه‌تا هه‌رێما كوردستانێ به‌لاڤكر، كۆمبوونا دووێ یا هه‌ردوو وه‌زاره‌تێن سامانێن سروشتییێن حكومه‌تا هه‌رێما كوردستانێ و وه‌زاره‌تا په‌ترۆلاعیراقێ بۆ ده‌ستپێكرنا هنارتنا په‌ترۆلا هه‌رێما كوردستانێ بۆ بازارێن جیهانێ ب رێڤه‌چوو.

ئه‌ڤه‌ د ده‌مه‌كیدایه‌ دووهى كۆمبوونا ئێكێ دناڤبه‌را هه‌ردوو لایاندا بۆ هه‌مان بابه‌ت هاتبوو كرن، هه‌ردوو لایه‌ن ل سه‌ر ده‌ستپێكرنا هنارتنا په‌ترۆلا هه‌رێما كوردستانێ و دیاركرنا میكانیزمێن وێ پرۆسه‌یێ د هه‌ڤرابوون.