ئاژانسا خانی:
شاخەوان عەبدوللا، ئەندامێ کۆمیتا ناڤینا پارتی دیموکراتی کوردستان و جێگرێ سه‌رۆكێ په‌رله‌مانێ عیراقێ، ل بانگەشا هەلبژارتنێن جڤاتێن پارێزگه‌هان ل خانەقین” بۆ لیستا پارتی ل پارێزگه‌ها دیالا دیار كر: ئه‌م ئه‌ڤرۆ وه‌كو مەکتەبا رێکخستنا پارێزگه‌ها بەغدا ل ڤێرێ د به‌رهه‌ڤین، هەروەسا ل گەل سەرۆک و ئەندامێن فراکسیۆنا پارتی دیموکراتی کوردستان، ل گەل ئەندامێن مەکتەبا رێکخستنا بەغدا بۆ پشته‌ڤانییا هه‌وه ل ڤێرێینه، گۆت ژی: ل ڤی باژێری پارتی گه‌له‌ك قوربانی داینە، خانەقین رەمزا به‌رهنگاربوونا داگیرکاریێیە.
ناڤهاتی گۆت ژی: پارتی دیموکراتی کوردستان ل خانەقین قوربانی داینە و بەرگری ژ ئاخا کوردستانێ کرییە، هەروەسا بهێزییا پارتی ل کەرکووکێ و خانەقین و مەخموور و شنگال ب هێزییا کوردایە، لاواز بوونا پارتی ژی ل ڤان ده‌ڤه‌ران تەعریب و داگیرکاری دێ بەردەوام بیت” هه‌روه‌سا خانەقین و جەلەولا و مەندەلی دەورووبەرێن وان، زێده‌باری پرۆسا تەعریبکرنێ ل چەند دەهێن بوری دا، هێشتا روحا بەرهنگاربوونێ د گۆپیتكێ دایه، خەلكێ ڤی باژێری چ جاران چۆک نەدانایە.
