سەرۆک بارزانی پێشوازی ل شاندێ پارتییا وه‌لاتپارێزێن کوردستانێ كر و پیرۆزباهی ل بەستنا کۆنگرێ وێ پارتییێ کر و دەستخۆشی ل بزاڤ و چالاکییێن وان کر.
ئه‌ڤرۆ سێشەمبی (14 ی چریا دووێ 2023) ێ” ل سەلاحەدین، سەرۆک مەسعود بارزانی پێشوازی ل شانده‌كێ پارتییا وه‌لاتپارێزێن کوردستانێ ب سەرۆکاتییا مستەفا ئۆزچەلیک سەرۆکێ پارتییا وه‌لاتپارێزێن کوردستانێ کر.
د وێ دیدارێ دا” سەرۆکێ پارتییا وه‌لاتپارێزێن کوردستانێ به‌حسێ بڕیار و راسپاردێن دووماهییێ یێن کۆنگرێ پارتییا خۆ کر و رۆناهی خستە سەر بزاڤ و چالاکییێن پارتا وه‌لاتپارێزێن کوردستانێ ده‌ربارەیی پێشخستنا بیاڤێ کلتووری و زمانێ کوردی و پەیوەندییان ل گەل لایەنێن سیاسی یێن تورکیا.
هەر د وێ دیدارێ دا سەرۆک بارزانی پیرۆزباهی ل بەستنا کۆنگرێ پارتییا وه‌لاتپارێزێن کوردستانێ و دەستخۆشی ل بزاڤ و چالاکییێن پارتییا وه‌لاتپارێزێن کوردستانێ کر و هیڤییا بەردەوامی و سەرکەفتنێ بۆ خواستن.
هەروەسا پەیوەندی و هەماهەنگییا دناڤبه‌را هەردو ئالییان دا تەوەره‌كێ دیتر یێ وێ كۆمبوونێ بوو.
