ئه‌پلیكه‌یشنه‌ك دێ وه‌لاتی و بریكارێن ئاهێن خوارنێ پێكڤه‌ گرێده‌ت

ئاژانسا خانی:

رێڤەبەرێ گشتییێ بازرگانی ل حكومه‌تا هه‌رێما كوردستانێ دیار كر: ب رێیا ئەپلیکەیشنه‌كێ وه‌لاتی و برێكارێن ئاهێن خوارنێ دێ پێكڤه‌ هێنه‌ گرێدان.

نەوزاد شێخ کامل، زێده‌تر دبێژیت: گوهۆرین دێ د فۆرما ئاهێن خوارنێ دا هێته‌ كرن و نوكه‌ وه‌لاتییێن پارێزگه‌ها دھۆکێ بووینە خودانێن فۆرما ئەلکترۆنی و ل قووناغا بهێت ژی خه‌لكێ پارێزگه‌ها سلێمانییێ و ھەولێرێ ژی دێ بنه‌ خودانێن فۆرما ئه‌لكترۆنی، پاشی ب رێیا ئەپلیکەیشنه‌كێ دی وه‌لاتی و بریکارێن ئاهێن خوارنێ پێكڤه‌ هێنه به‌ستن و نوكه‌ ئه‌و مژوولی هندێنه‌ كو ل هه‌موو جهان هێلا ئینتەرنێتێ ھەبیت و کار بکه‌ت” داكو كارێ وه‌لاتییا ب ساناهی برێڤه‌ بچیت.

ناڤهاتی گۆت ژی: ئەو كه‌سێن مرین و ئه‌وێن ل ده‌رڤه‌یی وه‌لاتی دژین و ئه‌و ناڤێن زێده‌ یێن دناڤ فۆرمێن خوارنێ دا هه‌ین دێ هێنه‌ ژێبرن” هه‌روه‌سا به‌ری نوكه‌ ئه‌و كه‌سێن مووچەیێ وان گەهشتییە ملیۆنه‌ك و ٥٠٠ ھزار دیناران” ئه‌رزاقێ وان یێ هه‌یڤانه‌ هاتبوو برین، بەلێ نوكه‌ ئه‌و بڕیارە هاتییه‌ ھەلوەشاندن و ئەوێن مووچەیێ وان دگه‌هیتە دو ملیۆن دیناران دێ ئه‌رزاقێ وان یێ هه‌یڤانه‌ هێته‌ برین.