<h3 style="text-align: justify;"><span style="font-size: 18pt;">ب سهرپهرشتییا سهرۆكوهزیران مهسرور بارزانى و ب ئامادهبوونا جێگرێ وى كۆمبوونا جڤاتا وهزیرێن ههرێما كوردستانێ هاته كرن.</span></h3> <h3 style="text-align: justify;"><span style="font-size: 18pt;">دبرگهیا ئێكێ یا كۆمبوونێدا ئهنجامێن دانوستاندنێن ههڤپشكێن دناڤبهرا وهزارهتا پهترۆلا حكومهتا فیدرال و شاندێ ههرێمیدا ل ڕۆژێن 11-12/11 سهبارهت دهستپێكرنا هنارتنا پهترۆلا ههرێما كوردستانێ ژلایێ سهرۆكوهزیران و وهزیرێ پهیوهندیدارڤه هاتنه دیاركرن.</span></h3> <h3 style="text-align: justify;"><span style="font-size: 18pt;">ل دهستپێكێ سهرۆكوهزیران كورتییهك دهربارهى دانوستاندنێن حكومهتا ههرێمێ و شاندێ حكومهتا فیدرال ب سهرۆكایهتییا جێگرێ سهرۆكوهزیران بۆ كاروبارێن ووزێ و وهزیرێ پهترۆلا فیدرال ل ههولێرێ خواند.</span></h3> <h3 style="text-align: justify;"><span style="font-size: 18pt;">سهرۆكوهزیران دووپاتى ل هندێ كر، حكومهتا ههرێمێ د چارچووڤێ دهستوورى و ڕێزگرتن ل دهستههلات و مافێن دهستوورییێن ههرێما كوردستانێدا یا ئامادهیه، ل زووترین دهم پرۆسهیا هنارتنا پهترۆلێ دهستپێبكهت و هیڤیدارن لایهنێن پهیوهندیدارێن حكومهتا فیدرال ژى لهزێ دتمامكرنا ئامادهكارییێن دهستپێكرنا پرۆسهیێ بكهن.</span></h3>
