ب فەرمانا پارێزگارێ دهۆکێ، پلانەکا بلەز بۆ چارەسەرکرنا کێشەیا کێمئاڤییێ ل سنۆرێ پارێزگەها دهۆكێ دێ هێتە ئامادەکرن.
سپێدەهییا ئەڤرۆ ب سەرپەرشتییا د. عەلی تەتەر، پارێزگارێ دهۆکێ و ب ئامادەبوونا جێگرێ پارێزگاری بۆ کاروبارێن تەکنیکی و ڕێڤەبەرێن سازییێن پەیوەندیدار، کۆمبوونەكا تایبەت ب کێشەیا ئاڤێ ل دیوانا پارێزگەهێ هاتە ئەنجامدان.
ڕاگەهاندنا پارێزگەها دهۆکێ ئاشكەراكر، د کۆمبوونێ دا باس ل کێمبوونا ژێدەرێن ئاڤێ هاتەكرن و پشتی دانوستاندنێن لایەنێن پەیوەندیدار، بڕیار هاتەدان پلانەکا بلەز و ب کوالێتییەكا بلند بۆ چارەسەرکرنا کێشەیا کێمئاڤییێ بهێتە ئامادەكرن.
