ڕێڤه‌به‌رییا نه‌هێلانا مادده‌یێن هۆشبه‌ر : چار تومه‌تبارێن مه‌ترسیدار هاتنه‌ گرتن

ڕێڤه‌به‌رییا نه‌هێلانا مادده‌یێن هۆشبه‌ر ڕاگه‌هاند، چار تومه‌تبار هاتنه‌ ده‌سته‌سه‌ركرن كو ئێك كیلویا مادده‌یێن هۆشبه‌ر دگه‌لدا بوون.

ڕێڤه‌به‌رییا نه‌هێلانا مادده‌یێن هۆشبه‌ر كو سه‌ر ب جڤاتا ئاسایشا هه‌رێما كوردستانێڤه‌یه‌ ڕاگه‌هاند، د به‌رده‌وامییا بزاڤێن واندا بۆ به‌رهنگاربوونا مادده‌یێن هۆشبه‌ر، ژ ئه‌نجامێ كۆمكرنا زانیارییان و دووڤچوونه‌كا وورد و به‌رده‌وام، پشتى وه‌رگرتنا بریارا دادوه‌رێ لێكۆلینا ئاسایشێ، د چالاكییه‌كا سه‌ركه‌ڤتیدا، شیان چار تومه‌تبارێن مه‌ترسیدار ده‌سته‌سه‌ر بكه‌ن كو كارێ بازرگانى و كرین فرۆتنا مادده‌یێن هۆشبه‌ر دكر.

ئاماژه‌ ب هندێ ژى دا، دڤێ چالاكییێدا ده‌ست ب سه‌ر ئێك كیلۆیا مادده‌یێن هۆشبه‌ر ژ جۆرێن هیروین و كریستال و جامایكا هاته‌ گرتن.