سوبه‌هی گه‌را حه‌فتێ یا فیسته‌ڤالا شانۆیا سه‌ر جادێ یا نێڤده‌وله‌تی ل كه‌ركووكێ دێ هێته‌ گێران

ئاژانسا خانی:

سوبه‌هی ئێكشه‌مبی”‌ 19-11-2023‌ ێ” فیسته‌ڤالا حه‌فتێ یا شانۆیا سه‌ر جادێ یا نێڤده‌وله‌تی ل باژێرێ‌ كه‌ركووكێ دێ هێته‌ گێران” د وێ فیسته‌ڤالێ دا ، چه‌ندین تیپێن شانۆیێ ژ‌ (كوردستانێ، عێراقێ، سوورییێ، ئیران، جه‌زائیر، تونس و ئیتالییا) دێ پشكدارییێ تێدا كه‌ن، ب نوونه‌راتییا‌ ئه‌وان وه‌لاتان دێ 24‌ تیپ و گرووپێن شانۆیێ و ده‌قێن‌ شانۆیی ل‌ كه‌ركووكێ هێنه‌ نیشادان ” هه‌روه‌سا خه‌لات دێ ل سه‌ر باشترین ئه‌كته‌رێن كور و كچ و باشترین بیرۆكه‌ و به‌رهه‌م و ده‌رهێنه‌ر هێنه‌ دابه‌ش كرن.

مامۆستایێ زانكۆیێ و شانۆكار” قه‌دری شێرۆ بۆ ئاژانسا خانی دیار كر” ئه‌و دێ وه‌كو لژنا دادوه‌رییێ پشكدارییێ د گه‌را حه‌فتێ یا فیسته‌ڤالا شانۆیا سه‌ر جادێ یا نێڤده‌وله‌تی ل باژێرێ كه‌ركووكێ دا كه‌ت” ئه‌و فیسته‌ڤاله‌ دێ بۆ ده‌مێ سێ رۆژان هه‌ر ژ رۆژا 19_21 ێ یا 2023 ێ یا به‌رده‌وام بیت” شانۆگه‌ری دێ ل چه‌ندین جهێن جۆدا ل كه‌ركووكێ هێنه‌ نیشادان” ئه‌ڤ ساله‌ چ تیپ و گرۆپێن شانۆگه‌رییێ یێن دهۆكێ پشكداری د وێ فیسته‌ڤالێ دا نه‌كرییه‌.