سوبەهی كۆربه‌ندێ ئاشتی و ئاسایشا رۆژهه‌لاتا ناڤین ل دهۆكێ دێ هێته‌ گێران

سوبەهی ئێكشەمبی 19 ی چریا دووێ 2023 ێ، كۆربەندێ چارێ یێ ئاشتی و ئاسایشا ڕۆژهەلاتا ناڤین ” مێپس” ل زانكۆیا ئەمریكی ل دهۆكێ دێ هێته‌ گیران.

بریارە د وی كۆربەندی دا، ژ 80 وه‌لاتێن جیهانی، سەركردە و سیاسەتمەدارێن ناڤدار پشكدارییێ تێدا بكەن و دانوستاندنێ ب تێروتەسەلی ده‌ربارەیی ره‌وشا رۆژهەلاتا ناڤین ب ره‌نگه‌كێ گشتی بكەن.

 

هه‌لمه‌ت كێسته‌یی”بەرپرسێ راگەهاندنا زانکۆیا ئەمریکی ل دھۆکێ بۆ ئاژانسا خانی گۆت: سوبەهی ئێکشەمبی کۆربەندێ ئاشتی و ئاسایشا رۆژھەلاتا ناڤین ل زانكۆیا ئه‌مریكی كوردستان ل دهۆكێ دێ هێته‌ گێران و بۆ ده‌مێ سێ رۆژان دێ یا به‌رده‌وام بیت، رۆژا ئێكێ هژمارەكا وۆرکشۆپان ژ لایێ  کەسێن شارەزا و تایبەتمەند دێ هێنه‌ گێران و تێدا دوێ به‌حسێ تەوەرێن گرنگ یێن ئەمنی و سیاسی ل رۆژھەلاتا ناڤین هێنه‌ به‌حس كرن، ل رۆژێن دووێ و سێیێ دێ گۆتار  هێنه‌ خواندن و په‌نه‌ل دێ هێنه‌ گێران.

هه‌روه‌سا ژ هەرێما كوردستانێ” هەر ئێك نێچیرڤان بارزانی، سەرۆكێ هەرێما كوردستانێ، مەسرور بارزانی، سەرۆكێ حكومەتا هەرێما كوردستانێ، قوباد تالەبانی، جێگرێ سەرۆك وەزیرێن هەرێما كوردستانێ، بافل تالەبانی، سەرۆكێ ئێكه‌تییا نیشتمانییا كوردستانێ، هشیار زێباری، ئەندامێ مەكتەبا سیاسییا پارتی دیموكراتی كوردستان، رێبەر ئەحمەد، وەزیرێ ناڤخۆ و وه‌زیرێ نه‌فتا توركیا ژماره‌كا زۆر ژ سەركردە و سیاسییان پشكدارییێ تێدا بكەن و ل سه‌ر ئاستێ عێراقێ ژی هەر ئێك ژ د. فوئاد حسێن، وەزیرێ دەرڤه‌یێ عێراقێ، قاسم ئەعرەجی، شیره‌تكارێ ئاسایشا نیشتمانییا عێراقێ و ژمارەكا سەركردە و كەسایەتییێن دیتر ژی پشكدارییێ تێدا بكه‌ن.