نڤیسارا فهرمییا دادگهها بلندا فیدرالییا عیرقێ ل دۆر ههلوهشاندنا ئهندامهتییا محهمهد حهلبووسى گههشته سهرۆكایهتییا پهرلهمانێ عیراقێ، ئهندامهكێ جڤاتا نوونهران ژى دیاركر، ل رۆژا چارشهمبیی كۆمبوونا جڤاتا نوونهران ل دۆر سهرۆكێ نوو یێ پهرلهمانى و قانوونا كۆمیسیۆنێ دێ هێتهكرن.
بهرى چهند رۆژان دادگهها بلندا فیدرالییا عیراقێ، محهمهد حهلبووسى ژ پۆستێ سهرۆكایهتییا پهرلهمانێ عیراقێ دوورخست و ئهندامهتییا وى ژى ل پهرلهمانى ههلوهشاند، ل دووڤ زانیارییان ئهڤرۆ نڤیسارا دوورخستنا وى گههشته سهرۆكایهتییا پهرلهمانى.
چیایى تهیمور ئهندامێ جڤاتا نوونهرێن عیراقێ بۆ ئاژانسا خانى دیاركر، ل چارشهمبییا جڤاتا نوونهران دێ كۆمبیت، ل دووڤ قانوونێ ههردهمێ سهرۆكێ پهرلهمانى ژ پۆستێ سهرۆكایهتییێ هاته لادان، دڤێت د ڕوونشتنا ئێكێ یا پشتى دوورخستنا ویدا سهرۆكهكێ نوو بهێته ههلبژارتن، ل چارشهمبییا بهێت كۆمبوونا پهرلهمانى دێ هێته كرن و گهنگهشه ل سهر ههلبژارتنا سهرۆكێ نوو هێته كرن.
ئاشكرا ژى كر، دنوكهدا موسهننا ئهلسامهرائی سهرۆكێ تهحالف ئهلعهزمه، خالد ئهلعوبهیدى كو پێشتر وهزیرێ بهرگرییێ بوو و سالم مهتهر بهربژارێن بهێزێن وهرگرتنا پۆستێ سهرۆكایهتییا پهرلهمانینه، لێ دهرگههێ خوه بهربژاركرنێ یێ ڤهكرییه و ههموو ئهندام دشێن خوه بهربژار بكهن.
ژلایهكێ دیڤه چیایى تهیمورى دیاركر، ل كۆمبوونا چارشهمبییا بهێت، دێ خواندنا سێیێ و دهنگدان بۆ قانوونا كۆمیسیۆنا ههلبژارتنێن عیراقێ هێتهكرن، پێشبینى دهێتهكرن بۆ ماوێ شهش ههیڤان بهێته درێژكرن.
