باشیك د بەرهەمئینانا زەیتووناندا ل عیراقێ یا ئێكێیە

ل سنۆرێ ناحییا باشیكێ زێده‌تر ژ پێنج هزار دۆنه‌مێن زه‌ڤییان نێزیكى ئێك ملیۆن دارێن زه‌یتوونان لێ هاتینه‌ چاندن، زه‌یتوونێن وێ ژى ل سه‌ر ئاستێ عیراقێ ب پله‌ ئێك دهێنه‌ هژمارتن.

ناحییا باشیك ده‌ڤه‌ره‌كا كوردستانییه‌ و سه‌ر ب پارێزگه‌ها نه‌ینه‌واڤه‌یه‌، ل سنۆرێ ناحییێ زێده‌تر ژ سێ هزار جۆتیارێن زه‌یتوونان هه‌نه‌، پێشبینى دهێته‌كرن، به‌رهه‌مێ ئه‌ڤ ساله‌ یێ زه‌یتوونان ژ حه‌فت هزار ته‌نان زێده‌تر بیت.

عیراق بۆ به‌رهه‌مئینانا زه‌یتوونان ل سه‌ر ئاستێ وه‌لاتێن عه‌ره‌بى ل ڕێزا نه‌هێ دهێت، ل سه‌ر ئاستێ جیهانێ ژى یا 23ێیه.

وه‌رزێ چنینا زه‌یتوونێن زه‌ر سالانه‌ ل هه‌یڤا ئادارێ ده‌ستپێدكه‌ت، یێ زه‌یتوونێن ره‌ش ژى ل هه‌یڤا ئه‌یلولێ، كێمییا كریاران و نه‌بوونا كارگه‌هێن پێدڤى ل وى سنۆرى بووینه‌ ئه‌گه‌ر كو به‌هرا پتر یا جۆتیاران به‌رهه‌مێن خوه‌ ل سه‌ر جادده‌یان بفرۆشن.