ئاژانسا خانی:
فلمێ سینه‌مایی “مێسی بەغدا” ژ ده‌رهێنانا ده‌رهێنه‌رێ كورد سەهیم عومەر خەلیفەیه، سێ خەلاتێن سەرەكی ل گه‌را 26 ێ یا فلمه فێستیڤالا نێڤدەولەتییا ئارپا (Arpa International Film Festival) ل هۆلیوود ل ئەمریكا وه‌رگرتن و ئه‌و خه‌لات ژی باشترین فلم، باشترین دەرهێنان و باشترین سیناریۆ و ل پشكا هه‌ڤركییێن سەرەكی دا كو هه‌ڤركی ل گەل 11 فلمێن جیهانیدا دكر.
ده‌رهێنه‌ر سه‌هیم عومه‌ر خه‌لیفه” بۆ ئاژانسا خانی گۆت: فلمه فێستیڤالا نێڤدەولەتییا ئارپا ئه‌ڤه 26 ساله یا بەردەوامە و چالاكییێن ئەڤ ساله ل 29 ێ چریا ئێكێ 2023 ێ” ل هۆلیوود ل لۆس ئەنجلس دەستپێكرن و ل 17 ی چریا دووێ ب دووماهی هاتن” كورته فلمێ”مێسی بەغدا” نووترین فلمێ سینەمایی یێ سەهیم عومەر خەلیفە، پشتی پشكداری د چەندین فێستیڤالێن سینەمایی دا كری، خەلاته‌ك ل فێستیڤالا نێڤدەولەتییا فلمیێن “Schlingel” ل ئەلمانیا وه‌رگرتییه و ل گه‌را 45 ێ یا فێستیڤالا نێڤدەولەتییا فلمێن قاهیرە ژی یێ پشكداره .
ناڤهاتی گۆت ژی: فلمێ “مێسی بەغدا” ل گه‌را 28 ێ یا فێستیڤالا نێڤدەولەتییا فلمێن “Schlingel” ل باژێرێ كێمنێتس ئەڵمانیا پشكداربوو كو یا تایبەتە ب فلمێن زارۆك و گەنجان و ل 23 هه‌تاكو 30 ی ئیلۆنا 2023 ێ هاته گێران و خەلاتێ لژنا دادوەری یا گەنجان وەكو باشترین فلم ل وێ فێستیڤالێ دا وه‌رگرت.
هه‌تا نوكه كورتە فلمێ سینه‌مایی “مێسی بەغدا” 60 خەلاتێن جیهانی وه‌رگرتینە، ل سالا 2022 ێ” وەكو فلمه‌كێ سینەمایی هاتییه بەرهەمئینان و كارێ وێنەگرتنا وی فلمی ل هەرێما كوردستانێ و عێراقێ هاتییه كرن” هه‌روه‌سا سه‌هیم عومه‌ر خه‌لیفه ئه‌ڤ ساله ژی دێ پشكدارییێ د گه‌را ده‌هێ یا فلمه فیسته‌ڤالا نێڤده‌وله‌تی یا دهۆكێ دا كه‌ت.
