سپێدەهییا ئەڤرۆ 22-11-2023ێ نێچيرڤان بارزانى، سهرۆكێ ههرێما كوردستانێ، پێشوازى ل مارشال سامى سامپسۆن، شیرەتكارێ بلند یێ سەربازی یێ بریتانیا بۆ ڕۆژهەلاتا ناڤەڕاست و باکوورێ ئافریکا و شاندێ دگەلدا كر.
د كۆمبوونێدا دووماهیك پێشهات و ئهگهر و شهڕێ غـ*ـهززه، ڕەوشا ناڤخۆیا هەرێما كوردستانێ و دیدارێن دناڤبەرا پارتی و ئێكەتییێ گۆتۆبێژكرن.
نێچيرڤان بارزانى دووپات كر، كو پێدڤییە عیراق ب هەمی شێوەیەكی خۆ ژ شەڕی دویربێخیت، چونكی شەڕ ئاریشەیان چارەسەر ناكەت و بتنێ ئاشتی چارەسەرە.
لدۆر ڕەوشا سیاسییا عیراقێ هەردوو لایەن د هەڤڕابوون كو پێدڤییە ئارامى و سهقامگيريیا سياسى و ئهمنى یا عیراقێ یا پاراستی بیت و ههمی لایەن دڤێت ب بەرپرسیارانە ڕهفتارێ بكهن و دووپات ل پێدڤییا پاراستنا هێزێن هەڤپەیمانان و هنارتییێن ديپلۆماتكاران ژ ههر جۆره هێرشەكێ ل عیراقێ كر.
د تەوەرەكێ دی یێ كۆمبوونێدا ههردوولا د هەڤڕابوون كو تيرۆر هێشتا مهترسييهكا ڕاستهقينهيه و هێرشا ل ئاسايش و سهقامگيريیا ئهمنى یا عیراقێ دكەت، عیراق و ههرێما كوردستان هێشتا پێدڤی ب پشتەڤانییا هەڤپەیمانێن نیڤدەولەتینە بۆ ژناڤبرنا داعشێ. سامپسۆن بهردهواميیا پابهنديیا بهريتانيا د چارچووڤێ هەڤپەیمانێن نیڤدەولەتی بۆ عیراق و ههرێما كوردستانێ دووپات كر.
Like this:
Like Loading...
