فیدان : توركیا دوستێ هه‌ولێرێیه‌

هاكان فیدان وه‌زیرێ ده‌رڤه‌ یێ توركیا د ئاخڤتنه‌كێدا ل ناڤا په‌رله‌مانێ توركیا ئاماژه‌ ب هندێ دا، توركیا مه‌زنترین دوستێ هه‌ولێرێیه‌.

فیدانى د كۆمبوونه‌كێدا دگه‌ل لژنه‌یا پلان و بودجه‌یا په‌رله‌مانێ توركیا هه‌موو ئه‌و ده‌نگۆیه‌ ره‌تكرن یێن به‌حس ل هندێ دكه‌ن، كۆمارا توركیا و ئاكه‌په‌ دوژمنێن كوردانه‌ و گوت : نوكه‌ ل ده‌ڤه‌رێ مه‌زنترین دوستێ هه‌ولێرێ  كۆمارا توركیایه‌.

فیدانى وه‌سا پێ باشه‌ كو په‌یڤا كورد نه‌هێته‌ بكارئینان، ژبه‌ركو دوژمنێ توركیا، په‌*كه‌*كه‌یه‌، هه‌روه‌سا دبێژیت : ل شوونا په‌یڤا كورد، بنڤێسن په‌*كه‌*كه‌، ژبه‌ركو كۆمارا توركیا دوژمنێ په‌*كه‌*كێیه‌ نه‌كو كوردان.

به‌حس ل هندێ ژى كر ئه‌وێن ئاریشه‌ دگه‌ل توركیا نه‌بن، چه‌ك دڕوویێ واندا ناهێته‌ هه‌لگرتن، چ كوردبن یان عه‌ره‌ب بن، ئه‌وان ژى چ ئاریشه‌ دگه‌لدا نینن.

گوت ژى: ئه‌و وى زمانى قه‌بوول ناكه‌ت یێ وه‌سا نیشان دده‌ت كو ده‌وله‌تا توركیا دژى كوردانه‌، ئه‌ڤه‌ زمانه‌ نه‌ڕه‌وایه‌.