هه‌تا نوكه‌ زێده‌تر ژ 116 ملیۆن لیترێن گازا سپى ب سه‌ر وه‌لاتییاندا هاتینه‌ به‌لاڤكرن

وه‌زاره‌تا سامانێن سروشتییا حكومه‌تا هه‌رێما كوردستانێ ڕاگه‌هاند، سه‌ربارى كو پشكا هه‌رێما كوردستانێ ژ گازا سپى ژ به‌غدا نه‌گه‌هشتییه‌، حكومه‌تا هه‌رێما كوردستانێ زێده‌تر ژ 116.209 ملیۆن لیترێن گازا سپى دابینكرینه‌ و ب سه‌ر نێزیكى 600 هزار خێزاناندا به‌لاڤكرینه‌.

وه‌زاره‌تا سامانێن سروشتى د ڕاگه‌هاندنه‌كێدا ئاشكراكر، وه‌زاره‌تا وان چاڤه‌رێی هنارتنا گازا سپییا حكومه‌تا فیدراله‌ و چه‌ندین نڤیسار ئاراسته‌یى لایه‌نێن په‌یوه‌ندیدار كرینه‌.

وه‌زاره‌تا سامانێن سروشتى ڕوونكر، وه‌زاره‌تا په‌ترۆلا حكومه‌تا فیدرال ئاماده‌یى بۆ هنارتنا پشكا هه‌رێما كوردستانێ ژ گازا سپى ده‌ربرییه‌، لێ هه‌تا نوكه‌ چ بریار ب وان نه‌گه‌هشتینه‌، هه‌ر ژبه‌ر هندێ وه‌زاره‌تا سامانێن سروشتى ب ڕێیا بزاڤێن خوه‌ و ب پشته‌ڤانییا سه‌رۆكوه‌زیران مه‌سرور بارزانى شیا ب بهایێ پشته‌ڤانلێكرى هه‌تا نوكه‌ زێده‌تر ژ 116.209 ملیۆن لیترێن گازا سپى دابین بكه‌ت و ب سه‌ر نێزیكى 600 هزار خێزاناندا به‌لاڤ بكه‌ت.