پهیڤدارێ دهرییێن سنۆرییێن عیراقێ دیاركر، گهندهلییهكا مهزن ل بهندهرێ ئوم قهسر یا پارێزگهها بهسره ئاشكرابوو، كو د شهش ههیڤێن دهستپێكێ یێن ئهڤسالهدا ب ڕێیا دهستكاریكرنا پسۆلهیان و سهختهكارییان، زێدهتر ژ دوو ملیار دیناران ب ههدهر چووینه و 19 فهرمانبهر ل سهر ڤێ كهیسێ هاتینه دهستهسهركرن.
عهلائهدین قهیسى پهیڤدارێ دهستهیا دهرییێن سنۆرییێن عیراقێ ڕاگههاند، تیمهكا تایبهت یا دهستهیا دهرییێن سنۆرى ب هاریكارییا دهستهیا گشتییا باجهیان ژ چارچووڤێ ئاشكراكرنا دهستكارییان و سهختهكرنا پسۆلهیێن باجهیێ ل یهكهیا باجهیا دهرییێ سنۆرییێ بهندهرێ ئوم قهسر، پرۆسهیا ووردبینییا ههیڤێن كانوونا دووێ، گۆلان و خزیرانا 2023ێ تمامكرن.
بهندهرێ ئوم قهسر 73 كیلۆمهتران ژ بهسره یا دووره و رۆلهكێ گرنگ د ئابوورییا عیراقێدا ههیه، ئوم قهسر مهزنترین بهندهرێ ئاڤا عیراقێیه و 80%ێ یا پێدڤییێن ناڤخۆ ژێ دهێته هاوردهكرن.
عهلائهدین قهیسى گوت، د لێكۆلینهكێدا دهركهڤت د وان سێ ههیڤاندا 689 ملیۆن و 940 هزار دینار ب ههدهر چووینه، ب وى شێوهى كو ههدهردان ب ڕێیا دهستكاریكرن و سهختهكرنا پسۆلهیێن باجهیێن ههیڤین كانوونا دووێ، شۆبات، ئادار، نسان، گۆلان و خزیرانا گههشته دوو ملیار و 20 ملیۆن و 147 هزار دینارێن عیراقى.
