بڕیارە سوباهی ڕۆژا دووشەمبی شاندەكێ بلند یێ حكومەتا هەرێما كوردستانێ ب سەرۆكایەتییا د. ئومێد سەباح، سەرۆکێ دیوانا جڤاتا وەزیرێن هەرێما کوردستانێ سەرەدانا بەغدا بکەت.
هەروەسا بڕیارە شاندێ هەرێمێ ل بەغدا دگەل محەمەد شیاع سوودانی، سەرۆکوەزیرێن عیراقێ كۆمبیت.
تەوەرێن سەرەكی یێن كۆمبوونێ دێ تایبەت بن ب شایستەیێن دارایی یێن هەرێما کوردستانێ و مووچەیێ فەرمانبەرێن هەرێما کوردستانێ و هنارتنێ بۆ حکومەتا هەرێما کوردستانێ بۆ دابەشکرنێ ب سەر فەرمانبەراندا، هەروەسا بابەتێ هەموارکرنا یاسایا بوودجەیێ عیراقێ دێ هێتە گۆتۆبێژكرن.
