سیپان شێروانی: حکومەتا هەرێمێ هه‌موو بزاڤان دكه‌ت ئاریشان ل گه‌ل حكومه‌تا عیراقێ چارەسەر بکه‌ت

ئاژانسا خانی:

ئه‌ندامه‌كێ پەرلەمانێ عیراقێ ل سه‌ر فراكسیۆنا پارتی دیموكراتی كوردستان” دیار كر: حکومەتا هەرێما کوردستانێ بۆ ب دەستڤه‌ئینانا هه‌موو مافێن خۆ یێن دەستووری و یاسایی یێن خەلكێ هەرێما کوردستانێ، ب ره‌نگه‌كێ به‌رده‌وام كار دكه‌ت، بەلێ هه‌رده‌م ئاستەنگ ژ لایێ لایه‌نێن عیراقی ڤه‌ دهێنه‌ دروستکرن، ڤێ چه‌ندێ وه‌كرییه‌ كو هەرێما کوردستانێ بكه‌ڤیته‌ ڤێ ره‌وشێ و دیسان گیروكرنا مووچەیێ فەرمانبەرێن هه‌رێمێ یا بەردەوام بیت” هه‌ر چه‌نده‌ حكومه‌ت كار دكه‌ت بۆ هندێ كو قه‌یرانا دارایی بهێته‌ چاره‌سه‌ر كرن” یاكو ژ لایێ حكومه‌تا عیراقێ ڤه‌ هاتییه‌  دروستکرن و ڤێ هه‌یڤێ حكومه‌تا هه‌رێما كوردستانێ دێ سلفا خۆ یا دووماهییێ ژ حكومه‌تا عیراقێ وه‌رگریت” هه‌ر چه‌نده‌ وه‌زیرا دارایی یا عیراقێ ئاریشان دروست دكه‌ت و یا هاریكار نینه‌ بۆ هنارتنا پاره‌یی بۆ هه‌رێما كوردستانێ.

سیپان شێروانی” زێده‌تر بۆ ئاژانسا خانی گۆت: چەندین جاران رێککەفتن دناڤبه‌را حكومه‌تا هه‌رێما كوردستانێ و حكومه‌تا عێراقێ دا هاتینه‌ کرن، بەلێ هه‌رده‌م عێراقێ ئاستەنگ دروست کرینه‌ و خواندنێن جۆدا بۆ بڕگان دهێنه‌ کرن، له‌وما هه‌تا نوكه‌ ئه‌ڤ ره‌وشا ل هەرێما کوردستانێ هه‌یی یان ژی گیروبوونا مووچەیێ فەرمانبەران یا بەردەوام بیت” ئەڤرۆ دوشەمبی، شاندێ حکومەتا هەرێما کوردستانێ سەره‌دانا بەغدا کرییە و کۆمەكا بابه‌تان دێ هێنه‌ به‌حس كرن و بابه‌تێ ژ هه‌موویان گرنگتر ژی مووچەیێ ئەوان سێ هه‌یڤایە یێ كو هه‌تا نوكه‌ حكومه‌تا عێراقێ ڤرێنه‌كرییه‌.

ناڤهاتی گۆت ژی: د وی بودجەیەیێ ئه‌و لایه‌نێن عیراقی ب خۆ پەسەند کری، دڤێت حكومه‌تا عیراقێ کاری ب وێ نڤیسارێ بهێته‌ كرن كو هه‌یڤانه‌ 775 ملیار دیناران بۆ مووچەیێ فەرمانبەرێن هه‌رێمێ بهنێریت، له‌وما نابیت مووچەیێ ئەوان سێ هه‌یڤێن مایی ب مینیت، دڤێت حكومه‌تا عیراقێ وی پاره‌یی بۆ مووچێ فه‌رمانبه‌ران ڤرێكه‌ت” ئه‌و ئاریشێن ئه‌ڤرۆ حكومه‌تا عیراقێ بۆ مه‌ دروست دكه‌ت” په‌رله‌مانێ عیراقێ ئه‌ڤ چه‌نده‌ چێكرییه‌” كو ئالییێن شیعی ڤێ چه‌ندێ دروست دكه‌ن” هه‌روه‌سا ئه‌و ئاریشێن حكومه‌تا عیراقێ بۆ حكومه‌تا هه‌رێما كوردستانێ دروست دكه‌ت” ئه‌گه‌رێ وێ هه‌موویێ په‌رله‌مانێ عیراقێ یه‌” نابیت ئه‌ڤ ره‌وشه‌ یا به‌رده‌وام بیت” چونكی لایه‌نێن عیراقێ هه‌موو یاسا و ده‌ستوورێن پێشێل كرین و دڤێت سنووره‌ك بۆ ڤێ چه‌نتدێ بهێته‌ دانان و دیسان ره‌وشا عیراقێ ب خۆ ژی یا باش نینه‌” نابیت ده‌ستوور بهێته‌ تێكدان” بۆ ڤێ قووناغێ ژی دڤێت بابه‌تێ مووچه‌یی بهێته‌ چاره‌سه‌ر كرن و دیسان روونشتنه‌كا تایبه‌ت بهێته‌ كرن و پرۆژه‌ قانوونا بودجه‌یێ گشتی یێ عیراقێ بهێته‌ په‌رله‌مانی و پاشی بهێته‌ راستڤه‌كرن.

شاندێ حكومه‌تا هه‌رێما كوردستانێ دێ ل گه‌ل محەمەد شیاع سوودانی سەرۆکوەزیرێن عێراقێ کۆم بیت، بابه‌تێ مووچەیێ فەرمانبەرێن هەرێما کوردستانێ، هەموارکرنا یاسایێ بودجەیی و پرۆسا هنارتنا نەفتا هەرێما کوردستانێ دێ ژ گرنگترین تەوەرێن وێ کۆمبوونێ بن.