ئەڤرۆ ڕۆژا دووشەمبی نێچيرڤان بارزانى، سهرۆكێ ههرێما كوردستانێ د ديدارەكێدا دگەل يان برێم، كونسۆلێ گشتيیێ نوی یێ فرەنسا ل ههرێما كوردستانێ كۆمبوو و هیڤییا سەركەفتنێ بۆ خواست و ههمی پشتەڤانییا خۆ و لایەنێن پهيوهنديدار یێن ههرێما كوردستانێ بۆ سهرئێخستنا كارێ وی دیاركر.
سهرۆكێ ههرێمێ دگەل كونسۆلێ گشتيیێ نوی یێ فرەنسا ل ههرێمێ، دووماهیك پێشهاتێن دەڤەرێ گۆتۆبێژكرن و ههروهسا خواستا ههرێما كوردستانێ بۆ پێشڤەبرنا پهيوهندييان دگەل فرەنسا دووپاتكر.
ژ لایێ خۆڤە، برێم كەیفخۆشییا خۆ بۆ دهستبكاربوونێ د كارێ وی دا دیاركر و دووپاتكر كو دێ كار كەت بۆ هندێ دۆستایهتی و پهيوهندييان و هاريكاريیا هەڤبەش یا وەلاتێ خۆ دگەل هەرێما كوردستانێ د هەمی بواراندا بەرفرەهتر بكەت، ههروهسا دووپات ل پابەندبوونا فرەنسا بۆ پشتەڤانییێ ل ههرێما كوردستانێ كر.
