<h3></h3> <h3></h3> <h3>پارتا حەل کو پارتهكا سوننییە، داخوازێ ژ کۆمیسیۆنی بلندا سەربەخۆیا هەڵبژارتنێن عێراقێ دكهت، كو پارتا تەقەدووم ب سەرۆکاتییا محەمەد حەلبووسی ژ فەرمانگەها پارتان بهێته لادان و رێک پێ نەهێتە دان كو پشکدارییێ د هەلبژارتنێن جڤاتێن پارێزگههان دا بكهت.</h3> <h3>کۆمیسیۆن ژی دبێژیت، حەلبووسی ل سەرۆکاتییا پارتا تەقەدووم یێ بەردەوامە.</h3> <h3>پارتا حەل یا سوننی ب سەرۆکاتییا جەمال کەربولی سکالایەک ئاراستەیی کۆمسیۆنا بلندا سهربهخۆیا هەلبژارتنان کرییە و تێدا گۆتییه" لدووڤ مادێ 9/3 ژ یاسایا پارتان یا ژمارە 36 یا سالا 2015 ێ، مەرجێ دامەزراندنا پارتییان ئەوە کو ل دادگەهێ سزا ب سەردا نەهاتبیتە سەپاندن ب تاوانا کوشتنا ب مەبەست یان تاوانا شەرەفێ.</h3> <h3>پارتییا حەل وەسا دبینیت کو تاوانا شەرەفێ دێ بسەر حەلبووسی و حزبا وی دا هێتە سەپاندن و ئەندامەتییا وان د هەڤپەیمانیا پارتییان دا دێ ب دووماهی هێت، لەوما داخواز کرییە ئەو پارتییە ژ فەرمانگەها پارتان بهێتە لادان و رێک پێ نەهێتە دان پشکدارییێ هەلبژارتنێن جڤاتێن پارێزگەهان بكهت.</h3> <h3>هەروهسا دبێژیت" ئهو پارته دخوازیت درۆشمێ وێ ههڤپەیمانییێ کو "ئهم ئومەتین" بهێته ههلوهشاندن و د بانگەشەیێن هەڵبژارتنات دا بهێته لادان.</h3>
