سه‌رۆكایه‌تییا هه‌رێما كوردستانێ دڕاگه‌هاندنه‌كێدا ئاشكراكر، نێچیرڤان بارزانى سه‌رۆكێ هه‌رێما كوردستانێ پێشوازى ل عه‌لى رزا گویناى بالیۆزێ توركیا ل عیراقێ و شاندێ دگه‌لدا كر.
دكۆمبوونێدا هه‌ردوو لایان په‌سنا په‌یوه‌ندییێن توركیا دگه‌ل عیراقێ و هه‌رێما كوردستانێ كر و دووپاتى ل پێشڤه‌برنا په‌یوه‌ندییان و هاریكارییا هه‌ڤپشك ب تایبه‌تى د بوارێ بازرگانى و ئابووریدا كر.
ل دۆر هنارتنا په‌ترۆلا هه‌رێما كوردستانێ ژى، بالیۆزێ توركیا ئاماده‌ییا وه‌لاتێ خوه بۆ هنارتنا په‌ترۆلێ دووپاتكر، ل دۆر ڤێ چه‌ندێ سه‌رۆكێ هه‌رێما كوردستانێ سوپاسییا هه‌لویستێ توركیا كر و ئاماژه ب هندێ دا، بۆ ڤێ مه‌ره‌مێ نوكه هه‌ولێر و به‌غدا مژوولى دانوستاندنێن ته‌كنیكینه.
