چارچووڤێ بجهئینانا كارنامهیا كابینهیا نههێ یا حكومهتا ههرێما كوردستانێدا بۆ ههمهجۆركرنا ئابوورى و پشتهڤانیكرنا جۆتیاران و ب هێزكرنا كهرتێ تایبهت، ئهڤرۆ 29-11-2023ێ دوو تهنێن هنگڤینێ كوالیتى بلند یێ كوردستانێ ب رێیا ئاسمانى گههشتنه وهلاتێ قهتهر.
ههتا نوكه ئێك تهنا هنگڤینى ب بازارێن ناڤخۆ یێن ههرێما كوردستانێ و عیراقێ هاتییه فرۆتن، كو ل ههیڤا بهێت دێ بهردهست بیت و ئهڤه دێ بیته هاریكارهكێ باش بۆ هنگڤانێن كوردستانێ.
ئهڤ بزاڤه ل ژێر سهرپهرشتییا ئێكسهر یا مهسرور بارزانى سهرۆكێ حكومهتا ههرێما كوردستانێ و پشتهڤانییا وهزارهتا چاندن و ژێدهرێن ئاڤێ و نڤیسینگهها سهرۆكوهزیران و كهرتێ تایبهت هاتینه كرن، كو زێدهتر ژ 200 هنگڤانان تێدا دپشكداربوون و نێزیكى 100 دهرفهتێن كارى رهخساندن، ههروهسا پهیوهندییێن نوو دگهل فرۆشیار و بازارێن قهتهر و وهلاتێن دییێن كهنداڤى دروست بوون، هنگڤین ژى یێ دهڤهرێن جۆدا یێن ههرێما كوردستانێیه.
ب ڤێ دهستپێشخهرییێ كهرتێ تایبهت ب هاریكارییا حكومهتا ههرێما كوردستانێ، دێ بیته بنهمایهك بۆ هناردهكرنا زێدهتر و رهخساندنا دهرفهتێن نوو بۆ بازرگانان ل ناڤا ههرێما كوردستانێ و وهلاتێن كهنداڤى.
