داخستنا پارتا حه‌لبووسى ڕه‌وانه‌ ده‌سته‌یا دادوه‌رییا هه‌لبژارتنان هاته‌ كرن

پشتى چه‌ند سكالا ب دژى وى هاتینه‌ تۆماركرن، كۆمیسیۆنا بلندا سه‌ربه‌خۆ یا هه‌لبژارتنێن عیراقێ لژنه‌یه‌كا لێكۆلینێ ل دۆر داخستنا پارتا محه‌مه‌د حه‌لبووسى پێكئینا و كه‌یسا وى ڕه‌وانه‌ى ده‌سته‌یا دادوه‌رییا هه‌لبژارتنان هاته‌ كرن، داكو بریار ل سه‌ر بهێته‌ دان.

د. هێمن ته‌حسین حه‌مید ڕێڤه‌به‌رێ گشتییێ كاروبارێن پارت و رێكخراوێن سیاسى ل كۆمیسیۆنا بلندا سه‌ربه‌خۆ یا هه‌لبژارتنێن عیراقێ ڕاگه‌هاند، وان نڤیسارا فه‌رمى بۆ ده‌سته‌یا دادوه‌رییا هه‌لبژارتنان هنارت، بۆ ئێكلاكرنا شه‌ش سكالایان كو تێدا داخوازا هه‌لوه‌شاندنا پارتا ته‌قه‌دووم یا محه‌مه‌د حه‌لبووسى هاتییه‌ كرن.

ده‌سته‌یا دادوه‌رییا هه‌لبژارتنان ژ سێ دادوه‌ران پێكهاتییه‌، سه‌ر ب دادگه‌ها ته‌میزا فیدرالییه‌ و كارێ وان بریاردان و ئێكلاكرنا كه‌یسێن بزه‌حمه‌ته‌.