مریشك و هێكێن كوردستانێ دێ بۆ ژ ده‌رڤه‌ هێنه‌ هنارتن

به‌رهه‌مێ په‌له‌وه‌ران ل هه‌رێما كوردستانێ ژ ئاستێ پێدڤى زێده‌تر لێ هاتییه‌، وه‌زاره‌تا چاندنێ به‌رهه‌ڤییان دكه‌ت كو ل ده‌مه‌كێ نێزیك هێك و گۆشتێ مریشكان بۆ ژ ده‌رڤه‌ ب هنێریت.

ل هه‌رێما كوردستانێ به‌رهه‌مێ په‌له‌وه‌ران ژ ئاستێ پێدڤى زێده‌تره‌ و پێدڤى ب هندێیه‌ بۆ ژ ده‌رڤه‌ بهێته‌ هنارتن، دنوكه‌دا بزاڤ دهێنه‌كرن كو هێك و گۆشتێ مریشكان بۆ ژ ده‌رڤه‌ بهێنه‌ هنارتن.

ل سالا بوورى لژنه‌یه‌كێ ژ ئیماراتێ سه‌ره‌دانا هه‌رێما كوردستانێ كر و دووڤچوونا ڤى بابه‌تى كر، گه‌له‌ك ب گرنگیڤه‌ هه‌لسه‌نگاندن بۆ كر، پشكه‌ك ژ به‌رهه‌مێن هه‌رێما كوردستانێ ڕه‌وانه‌ى پشكنینان كر، ل ده‌مه‌كێ نێزیك ئه‌ڤ پێنگاڤه‌ دێ هێته‌ كاراكرن و به‌رهه‌مێ په‌له‌وه‌رێن هه‌رێما كوردستانێ دێ بۆ وه‌لاتێن كه‌نداڤى هێته‌ هنارتن.