شوان كه‌لاری: هه‌تا نوكه‌ عیراق ئاسته‌نگان بۆ حكو‌مه‌تا هه‌رێمێ دروست دكه‌ت

ئاژانسا خانی:

شوان کەلاری بریاردەرێ فڕاکسیۆنا پارتی دیموكراتی كوردستان ل پەرلەمانێ عێراقێ” بۆ ئاژانسا خانی گۆت: ئه‌و رێككه‌فتنێن دناڤبه‌را حكومه‌تا هه‌رێمێ و حكومه‌تا عیراقێ دا هاتینه‌ كرن” هه‌تانوكه‌ حكومه‌تا عیراقێ‌ بجهئیناینه‌” ژبه‌ر كۆمه‌كا هوكاران” ژ وان ژی” هه‌تا نوكه‌ به‌غدا باوه‌ری ب بنه‌مایێن فیدرالییێ نینه‌” هه‌روه‌سا ته‌قه‌بوولا دیموكراسییێ ناكه‌ن” بابه‌تێ كوردبوونێیه‌” دیسان ب چاڤه‌كێ دیتر به‌رێ خۆ دده‌نه‌ كوردان” حكومه‌تا عیراقێ نه‌ڤێت حكومه‌تا هه‌رێما كوردستانێ یا سه‌ركه‌فتی و پێشكه‌فتی بیت” وان نه‌ڤێن ژین و ژیارا خه‌لكێ كوردستانی یا خۆش بیت و ئاڤه‌دانی تێدا بیت” وان هه‌موو پاره‌ و خێراتێن عیراقی دزینه‌ و وان پێ نه‌خۆشه‌ هه‌ریما كوردستانی پێشبكه‌ڤیت” ده‌ستێوه‌ردانێن ژ ده‌رڤه‌ هه‌نه‌” هه‌روه‌سا كه‌س و پارت هه‌نه‌ دره‌وا دكه‌ن و د سۆز و رێككه‌فتنێن خۆ لێڤه‌ دبن” ئه‌ڤ چه‌نده‌ لده‌ف وان كاره‌كی ئاسایی یه‌” ئه‌ڤه‌ یا گرێدایه‌ ب ئه‌خلاقێ وانڤه‌” له‌وما هه‌رده‌م ژ سۆزێن خۆ لێڤه‌ بووینه‌.

ناڤهاتی گۆت ژی: چاره‌سه‌ری ئه‌وه‌” دڤێت ئالییێن عێراقی فێری دیموكراسییێ ببن و بزانن دیموكراسی چییه‌؟” دڤێت وێ چه‌ندێ بزانن” كو ملله‌تێ كورد ب هزاران شه‌هید داینه‌ و به‌رگری ژ ئاخا خۆ كرییه‌” هه‌روه‌سا مه‌ پشكداری د حكومه‌تێن عیراقێ دا كرینه‌” كو ئه‌م ل سه‌ر فیدرالییێ رێككه‌فتینه‌ و مه‌ ده‌ستووره‌ك هه‌یه‌” دڤێت ده‌ستوورێ عێراقێ بهێته‌ بجهئینان” چونكی ده‌ستوور هه‌ڤبه‌سته‌كا جڤاكییه‌ و هه‌موو پێكهاتێن عیراقێ ده‌نگ ب وی ده‌ستووری دایه‌” هه‌روه‌سا هه‌كه‌ وان بڤێت عیراقه‌كا پێشكه‌فتی دروست بكه‌ن” دڤێت حكومه‌تا عیراقێ ده‌ستووری بجهبینیت.

شوان كه‌لاری دیار كر ژی: هه‌كه‌ نییه‌تا حكومه‌تا عیراقێ وه‌كو به‌ری نوكه‌ یا خراب بیت و لدووڤ فێلان بگه‌رن و ئاریشان بۆ هه‌رێما كوردستانێ دروست بكه‌ن و رێككه‌فتنان پێشێل بكه‌ن” ل سالا بهێت ژی دێ بۆ هه‌رێما كوردستانی ئاریشان دروست كه‌ن و بودجه‌یێ هه‌ڕێما كوردستانێ ناهنێرن” به‌لێ هه‌كه‌ نیه‌تا وان یا باش بیت و بهێن ل گه‌ل كوردان ئاریشان چاره‌سه‌ر بكه‌ن و دیسان ل گه‌ل هه‌موو پێكهاتێن په‌رله‌مانێ عیراقێ دانیشن و دانوستاندنان بكه‌ن”  دیسان ل سالا نوو پرۆژه‌ یاسایی بودجه‌یی بۆ سالا 2024 ێ ڤرێكه‌نه‌ په‌رله‌مان و هه‌موار بكه‌ن” ل وی ده‌می دێ ئاریشه‌ هێنه‌ چاره‌سه‌ر كرن” دیسان بابه‌تێ خه‌رجییێن كریاری چاره‌سه‌ر بكه‌ن و هه‌روه‌سا په‌رله‌متارێن شیعی ل گه‌ل مه‌ د ئێك هه‌لویست بن” ل وی ده‌می دێ هه‌موو ئاریشه‌ هێنه‌ چاره‌سه‌ر كرن” به‌لێ هه‌كه‌ نیه‌تا وان یا خراب بیت و وان دڤێت ب به‌رده‌وامی فشاران ل سه‌ر هه‌رێما كوردستانێ په‌یدا بكه‌ن و مووچه‌یێ فه‌رمانبه‌رێن هه‌رێمێ ڤرێنه‌كه‌ن” ب ڤی ره‌نگی ئه‌و پرۆژه‌ یاسایه‌ ژی ناهێته‌ هه‌موار كرن و مووچه‌یێ فه‌رمانبه‌رێن هه‌رێما كوردستانێ ژی نه‌هنێرن” ب ڤێ چه‌ندێ وان دڤێت ره‌وشا هه‌رێما كوردستانێ تێكبده‌ن و هه‌تا نوكه‌ عیراق ئاسته‌نگان بۆ حكومه‌تا هه‌رێما كوردستانێ دروست دكه‌ت.