ل وه‌رزێ زڤستانێ هژماره‌كا چالاكی و فیسته‌ڤالان دێ هێنه گێران

ئاژانسا خانی:

په‌یڤدارێ ده‌سته‌یا گەشتوگوزارا ھەرێمێ دیار کر: ل گەل دەستپێکرنا وەرزێ بەفر بارینێ چه‌ندین چالاكی و فیسته‌ڤالێن بەفرێ دێ هێنه‌ گیران و به‌رهه‌ڤییێن باش ژی هاتینه‌ كرن بۆ پێشه‌وازییا گەشتیارێن زڤستانێ.

ئیبراھیم عەبدولحەمید، گۆت ژی: ئه‌ڤ ساله‌ ئامادەکاری بۆ وەرزێ هاتینه‌ كرن و نوكه‌ گەشتوگوزارا ھەرێما کوردستانێ چار وەرزییە و ل وەرزێ زڤستانێ ژی هژمارەكا بەرچاڤ یا گه‌شتیاران دهێنه‌ جهێن گەشتیاری یێن ھەرێما کوردستانێ و مه‌ به‌رهه‌ڤییێن باش كرینه‌” هه‌روه‌سا بریارە بۆ وەرزێ بەفربارینا ئه‌ڤ ساله‌ هژمارەكا چالاکییێن گەشتیاری یێن زڤستانی  بهێنه‌ ئه‌نجامدان” ژ وان ژی ئەنجامدانا فیسته‌ڤالا بەفر و یاریێن سەر بەفرێ و چەندین چالاکیێن دیتر یێن تایبەت ب وەرزێ بەفربارینێ و زڤستانێ ڤه‌.

ناڤهاتی گۆت ژی” ئه‌و جۆرێن چالاكییێن زڤستانی دێ ل ھەموو پارێزگه‌هـ و ئیدارێن سەربەخۆ هێنه‌ گێران و ستافێن تایبەت دێ به‌رهه‌ڤییێ بۆ وان چالاكییان كه‌ن” ژ پێخه‌مه‌ت هژماره‌كا زۆر یا گه‌شتیاران ژ ده‌ڤه‌رین جۆدا یێن عێراقێ سەره‌دانا هه‌رێما كوردستانێ و جهێن به‌فر لێ هه‌ین بكه‌ن.