بۆ پڕۆژێ رێیا گەشەپێدانێ، شانده‌كێ هەرێما كوردستانێ و عێراقا فیدرال، ئەڤرۆ كۆمبووینە و شانده‌كێ وەزارەتا ڤه‌گوهاستنا حکومەتا فیدڕالی ژی ل ده‌ستپێكا سالا بهێت دێ سەره‌دانا هەرێما كوردستانێ كه‌ت.
ڕەزاق محێبس، وەزیرێ ڤه‌گوهاستنا حكومەتا عێراقا فیدرالی دیار كر: شانده‌كێ هەرێما کوردستانێ ب سەرۆکاتییا وەزیرێ ڤه‌گوهاستنێ و نوونەرێ حکومەتا هەرێما کوردستانێ ل بەغدا، ئەڤرۆ مه سەره‌دانا وان كرییه و پێکڤە مه به‌حسێ پڕۆژێ ڕێیا گەشەپێدانێ کرییه.
ئه‌و كۆمبوونه ب ئامادەبوونا سەرۆکێ لژنا ڤه‌گوهاستن و پەیوەندییان ل جڤاتا نوونەران و لژنێن تەکنیکی ل هەردو وەزارەتێن هەرێما كوردستانێ و عێراقێ و ب ئامادەبوونا کۆمپانیا شیره‌تکاريیا ئیتالی بریڤه‌چوویه.
