دادگه‌ها فیدرالی بڕیاردان ده‌ربارەیی وێ سکالایێ پاشئیخست یاكو داخوازا پاشئێخستنا هەڵبژارتنێن جڤاتا پارێزگه‌ها کەرکووکێ كری.
به‌ربژاره‌كا هه‌لبژارتنێن جڤاتا پارێزگه‌ها كه‌ركووكێ سكالایه‌ك ل دادگه‌ها فیدرالى تۆماركرییه و تێدا داخوازا پاشئێخستنا هه‌لبژارتنێن جڤاتێن پارێزگه‌هان ل كه‌ركووكێ كرى” دادگه‌ها فیدرالى لبه‌ربوو ئه‌ڤرۆ دوشه‌مبی بڕیارێ ل سه‌ر وێ سكالایێ بده‌ت” بڕیاردان بۆ ده‌مه‌كێ نه‌دیاركرى پاشئێخست.
به‌ربژاره‌كا هه‌لبژارتنێن جڤاتێن پارێزگه‌هان ل پارێزگه‌ها كه‌ركووكێ ب ناڤێ نه‌جاح حه‌سه‌ن ئیبراهیم سكالایه‌ك ل دادگه‌ها فیدرالى ل سه‌ر كۆمیسیۆنا بلند یا هه‌لبژارتنان تۆماركرییه و تێدا داخوازكرییه هه‌لبژارتنێن جڤاتێن پارێزگه‌هان ل كه‌ركووكێ بهێنه پاشئێخستن هه‌تا ده‌مێ كۆمیسیۆن رادبیت ب هووربینیا تۆمارێن ده‌نگده‌ران لدووڤ ئه‌حكامێن مادێ 13 ژ یاسایا ژماره 4 یا سالا 2023 ێ” یا هه‌مواركرنا سێیێ بۆ یاسایا هه‌لبژارتنێن جڤاتا نوونه‌ران و جڤاتێن پارێزگه‌هان و قه‌زایان ژماره 12 یا سالا 2018 ێ.
دادگه‌ها بلندا فیدرالىیا عێراقێ به‌رى نوكه ل رۆژا 27/11/2023 ێ” بڕیاردان ل سه‌ر وێ سكالایێ پاشئێخستبوو، دادگه‌هێ لبه‌ربوو ئه‌ڤرۆ 4/12/2023 ێ” حوكمێ خۆ ل دۆر وێ سكالایێ بده‌ت، به‌لێ بۆ ده‌مه‌كێ نه‌دیار هاته پاشئێخستن.
