دادگەها بلند یا فیدرالی یا عیراقێ ئەڤرۆ ڕۆژا دووشەمبی دێ لسهر سكالایەكێ رونیت كو مستەفا سەنەد، ئەندام پەرلەمانێ عیراقێ دژى سەرۆکوەزیرێن عیراقێ تۆماركریە بۆ هەلوەشاندنا بڕیارەكا جڤاتا وەزیرێن عیراقێ تایبەت ب هنارتنا دوو تریلیۆن و 100 ملیار دیناران ب قەرز بۆ هەرێما کوردستانێ و كڕینا گازا زەڤییێن كۆرمۆر ژ لایێ حكومەتا عیراقێ.
لدووڤ بڕیارا جڤاتا وەزیران کو ل 17-09-2023 هاتیە دەركرن، بۆ دەمێ سێ هەیڤان لدویڤ ئێك، هەیڤانە ب كۆژمێ 700 ملیار دیناران ب قەرز دێ هنێریت بۆ هەرێما کوردستانێ ب ڕێكا هەر سێ بانکێن ڕافیدەین، ڕەشید و تى بی ئاى، بۆ مووچەیێ فەرمانبەران.
