وه‌زاره‌تا كاره‌بێ: هه‌ر هه‌ڤپشكه‌كێ بڤێت كاره‌با خوه‌ بكه‌ته‌ پریپه‌ید، بلا په‌یوه‌ندییێ ب مه‌ بكه‌ت

وه‌زاره‌تا كاره‌بێ یا هه‌رێما كوردستانێ ڕاگه‌هاند، هه‌ر هه‌ڤپه‌شكه‌كێ كاره‌بێ یێ بڤێت كاره‌با خوه‌ بكه‌ته‌ پریپه‌ید، بلا په‌یوه‌ندییێ ب وان بكه‌ت.

وه‌زاره‌تا كاره‌بێ یا هه‌رێما كوردستانێ ئاگه‌هدارییه‌ك ئاراسته‌یى ڕێڤه‌به‌رییێن گشتییێن كاره‌بێن، هه‌ولێر، دهۆك و سلێمانییێ كر و گوت :هه‌ر هه‌ڤپشه‌كێ بڤێت كاره‌با خوه‌ بكه‌ته‌ پریپه‌ید، بلا سه‌ره‌دانا ڕێڤه‌به‌رییێن كاره‌با سنۆرێن خوه‌ بكه‌ت و فۆرمێ پربكه‌ت، داكو كارێ پێدڤى بۆ بجهئینانا سیسته‌مى بهێته‌ كرن.

پریپه‌ید سیسته‌مه‌كه‌، یه‌كه‌یێن كاره‌بێ تێدانه‌، ب شێوه‌یه‌كى كار دكه‌ت كو هه‌ڤپشكێن كاره‌بێ ب رێیا پركرنا بالانسى كاره‌بێ دكرن.

وه‌زاره‌تا كاره‌بێ یا هه‌رێما كوردستانێ وه‌سا دبینیت، دێ ب رێیا سیسته‌مێ پریپه‌ید ئاریشه‌یا وه‌رگرتنا كرێ و قه‌رێن كاره‌بێ دناڤبه‌را وه‌زاره‌تا كاره‌بێ و هه‌ڤپشكێن كاره‌بێدا هێته‌ چاره‌سه‌ركرن، وه‌زاره‌تا كاره‌بێ بودجه‌یه‌كا باشتر بۆ بجهئینانا پرۆژه‌یان ل به‌رده‌ستن.