کاروان ستوونی، پەیڤدارێ رێڤەبەرییا گشتی یا حەج و عومرێ ل هەرێما کوردستانێ، بۆ ئاژانسا خانی دیارکر: ئەڤرۆ سێشهمبی، 5/12/2023 ێ، عومرەکارەکا ههرێما کوردستانێ ب ناڤێ ( تەلا سلێمان محەمەد) ل سعوودیە وەغەر کر، کو د ژییێ 66 سالییێ دایە و خەلکا سلێمانییێ یە و ب مەرەما ئەنجامدانا سونەتا عومرێ سەرەدانا سعوودیە کرییە و پشتی تێكچوونا رەوشا ساخلەمییا وێ دوو رۆژان مایه ل نهخۆشخانێ دا ئهڤرۆ وەغەر کر، پشتی وەرگرتنا ڕەزامەندییا کەسوکارێن وێ بڕیارە ل حەرەما پیرۆز ل مەککەهێ نڤێژ ل سەر بهێتە کرن و پاشی ل گورستانا مەککەهێ بهێتە ڤەشارتن.
کاروان ستوونی گۆت ژی، هەر ئهڤرۆ سێشهمبی، عومڕهكارەکێ دی یێ كوردستانێ ل مهدینه، ب ناڤێ ( قادر جەمیل مراد) وەغەر کر، کو د ژییێ 76 سالییێ دایە و خەلکێ گوندێ مهنداوه ل ناحیا دارهشهكران و پێشتر نهخۆشییا شهكرهێ ههبوویه و پشتی گههشتییە باژێرێ مهدینه تووشی جهلتا مەژی دبیت و پشتی مانا وی ل نهخۆشخانێ ئهڤرۆ ل باژێرێ مهدینه وەغەر كرد و بڕیارە هەر ل وێرێ بهێتە ڤەشارتن.
هەر ژ دەستپێکا وەرزێ عومرێ، هەتانوکە دازدە عومڕەکارێن کورد ل سعوودیە وەغەرکرییە، کو پێنج زەلام و حهفت ژن بووینە.
