ئاژانسا خانی:
بەرپرسا لقێ پێنج یێ پارتی دیموکراتی کوردستان ل بەغدا گۆت: نوكه پرۆسه و هه‌وا هەلبژارتنێن جڤاتا پارێزگه‌ها بەغدا گه‌له‌ك باش برێڤه دچیت و هه‌كه چ ئاریشه دروست نه‌بن و ئه‌و پرۆسە ب ره‌نگه‌كێ بێ ئاریشه بهێته ئه‌نجامدان” به‌ربژارێ پارتی دێ سه‌ركه‌ڤیت” هه‌روه‌سا پشتی کۆنگرێ پارتی دیموکراتی کوردستان و ئەو خالێن د پەیڕەوێ ناڤخۆیی یێ پارتیدا هاتینه گوهۆرین، مه پێنگاڤێن نوو هاڤێتینه و ل لقێ پێنج مه كار و چالاکی زێده کرینە و ئه‌م رێنماییێن سەرۆک بارزانی بجهـ دئینین، بۆ هندێ خزمەتا خه‌لكێ خۆ بكه‌ین، هه‌روه‌سا خه‌لك ژی پێشوازییێ ل هه‌وا هەلبژارتنێن جڤاتێن پارێزگه‌هان دكه‌ت و پشته‌ڤانییێ ل به‌ربژارێ پارتی دیموکراتی کوردستان دكه‌ن.
د. ئەشواق جاف” زێده‌تر بۆ ئاژانسا خانی دیاركر: ئه‌ڤه حه‌فت هه‌یڤه وه‌كو به‌رپرسا لقێ پێنج یێ پارتی دەستبکار بوویم، د نوكه دا گوهۆرینێن ئەرێنی هەنە و ئه‌م بۆ هەلبژارتنان ب تنێ کار ناکەین، پشتی هەڵبژارتنان دێ پتر کار کەین، نوكه پرۆسا هه‌لبژارتنان ب ره‌نگه‌كێ ئارام برێڤه دچیت و پێشوازییەکا باش ل به‌ربژارێ مه دكه‌ن، ئەڤه چه‌نده ڤه‌دگه‌ریت بۆ هندێ” كو خه‌لكێ حه‌ز ژێكرنه‌كا مه‌زن بۆ سەرۆک بارزانی هەیە” دیسان هه‌كه پرۆسا هه‌لبژارتنێن جڤاتێن پاریزگه‌هان ب ره‌نگه‌كێ شەفاف برێڤە بچیت و چ ئاریشه په‌یدا نه‌بن، به‌ربژارێ مه (ئازاد ئەکبەر یار کەرەم) ژ لیستا برایەتییا کوردێن فەیلی ژمارە 212 بۆ جڤاتا پارێزگه‌ها بەغدا) دێ سەرکەڤیت، چونكی خه‌لك پێشوازییەكا گەرم ل به‌ربژارێ پارتی دكه‌ن به‌رده‌وام پشته‌ڤانییێ ل پارتی دیموکراتی کوردستان دكه‌ن ل بەغدا.
