ئاژانسا خانی:
رێڤەبەرێ گشتی ل وەزارەتا بازرگانییا حکومەتا هەرێما کوردستانێ گۆت: دەست ب گوهۆرینا مامەیان ب دۆلاری بۆ دیناری هاتییه کرن و بڕیارە ل ده‌ستپێكا سالا بهێت گوهۆرینا مامەیان ب دۆلاری بۆ دیناری ل عێراقێ و هەرێما کوردستانێ بهێته بجهئینان.
نەوزاد شێخ کامل” زێده‌تر بۆ ئاژانسا خانی دبێژیت: بڕیار هاتییه‌دان مامەله ژ دۆلاری بۆ دیناری بهێته گوهۆرین و ل ده‌رگه‌هان دەست ب بجهئینانێ هاتییه کرن و بڕیارە ل ده‌ستپێكا سالا 2024 ێ ل هەموو جهان بهێته بجهئینان، چونکی نوكه ل دەرگه‌هێن سنووری ب دیناری پارە دهێته وەرگرتن و ل ناڤخۆ ژی ب هه‌مان ره‌نگه، ئەڤه گاڤه‌كا باشە بۆ بلندکرنا بهایێ دیناری بەرامبەر دۆلاری و ل سالا نوو ل سەرانسەری عێراقێ و هەرێما کوردستانێ دێ هێته بجهئینان.
ناڤهاتی گۆت ژی: ئەو بڕیارە گه‌له‌كا گرنگە دێ کاریگەری لسەر بهایێ دینار و ئه‌رزانبوونا بهایێ کەلوپەلان ل بازاری هه‌بیت، ژبه‌ركو دۆلار ب 132 هزار دیناران دێ ب خەلكی هێته‌دان، ئەڤه دێ وه‌كه‌ت بهایێ كه‌لوپه‌لان ئەرزان بیت و بهایێ دیناری ژی بەرامبەر دۆلاری دێ بلند بیت.
