بۆ هنارتنا پەترۆلا كوردستانێ دێ پێداچوون دهەڤبەستێن كۆمپانییاندا هێتەكرن

وەزارەتا پەترۆلا عیراقێ و وەزارەتا سامانێن سروشتییا هەرێما كوردستانێ دبزاڤێدانە بۆ هنارتنا پەترۆلا كوردستانێ ل سەر ڕێكخستنا هەڤبەستێن هەڤپشك دگەل كۆمپانییێن بەرهەمئینانێ ڕێكبكەڤن.

عاسم جیهاد پەیڤدارێ وەزارەتا پەترۆلا عیراقێ د داخویانییێن ڕۆژنامەڤانیدا ئاشكراكر، حكومه‌تا عیراقێ یا ل هیڤییا ده‌ستپێكرنا هنارتنا په‌ترۆلا كێلگه‌هێن هه‌رێما كوردستانێ، لێ پێدڤییه‌ چاره‌سه‌رییا پشكه‌ك ژ ئاریشه‌یێن دارایى و قانوونى و هونه‌ری بهێته‌كرن، كو گرێداى وان هه‌ڤبه‌ستانه‌ یێن دناڤبه‌را حكومه‌تا هه‌رێما كوردستانێ و كۆمپانییێن په‌ترۆلێدا هاتینه‌ ئیمزاكرن.

دووپات ژى كر، وه‌زاره‌تا په‌ترۆلا عیراقێ مژوولى گوهۆرینا شێوه‌یێ قانوونییێ هه‌ڤبه‌ستایه‌، كو ژلایێ قانوونى و هونه‌ری و دارایڤه‌ دگه‌ل قانوونێن عیراقێ د گونجاى بن.

ئاماژه‌ ب هندێ ژى دا، ئه‌و دگه‌ل حكومه‌تا هه‌رێما كوردستانێ د دانوستاندناندانه‌ داكو پرۆسه‌یا ده‌ستپێكرنا هنارتنێ ب رێیا به‌نده‌رێ جه‌یهان بله‌زتر ببیت.