<h3 style="text-align: justify;"><span style="font-size: 18pt;">شاندێ حكومهتا ههرێما كوردستانێ ئهوێ ل دۆر شایستهیێن داراییێن ههرێما كوردستانێ كۆمبوون دگهل حكومهتا عیراقێ كرى، ب جڤاتا وهزیرێن ههرێمێ ڕاگههاند، ئهوا بهغدا دكهت پێشێلكرنا ئاشكرا و بێ بهانه یا مافێن دهستوورییێن خهلكێ ههرێما كوردستانێیه.</span></h3> <h3 style="text-align: justify;"><span style="font-size: 18pt;">جڤاتا وهزیرێن ههرێما كوردستانێ ل ژێر سهرپهرشتییا مهسرور بارزانى و ئامادهبوونا جێگرێ وى كۆمبوو.</span></h3> <h3 style="text-align: justify;"><span style="font-size: 18pt;">شاندێ دانوستاندكارێ حكومهتێ دكۆمبوونێدا دیاركر، ل دانوستاندنێن ڤێ دووماهییێ، ئهوا بۆ شاندێ ههرێمێ ڕوون بووى ئهوه، چارهسهرییا بنهرهت یا ڤى بابهتى و ئاریشهیا مووچهیێ ههموو مووچهخۆرێن ههرێما كوردستانێ ناهێتهكرن كو ههیڤانه 944 ملیار دینارن و بۆ سالهكا دارایى زێدهترى 11 تریلیۆن دینارایه، لهوما ئهوا بهغدا دكهت، پێشلكرنهكا ئاشكرا یا مافێن دهستوورییێن خهلكێ كوردستانێیه.</span></h3> <h3 style="text-align: justify;"><span style="font-size: 18pt;">جڤاتا وهزیران داخوازێ ژ حكومهتا فیدرال دكهت، ل نێزیكترین دهرفهت، پرۆژهقانووناههمواركرنا قانوونا بودجهیا فیدرالى ل جڤاتا وهزیران بهێته پهسهندكرن و ب ئاراستهیێ دابینكرنا مووچهیێ مووچهخۆرێن ههرێمێ وهكو دخشتهیێ قانوونا بودجهیداهاتى، ڕهوانهى جڤاتا نوونهران بهێتهكرن، ژ پیڤهرێ خهرجییا فعلى و ناكۆكییێن پهترۆل و داهاتێ پهترۆلێ یا دووربیت.</span></h3> <h3 style="text-align: justify;"><span style="font-size: 18pt;">حكومهتا ههرێما كوردستانێ داخواز ژلایهنێن پێكئینهرێن حكومهتا عیراقێ كر، پشتهڤانییا پرۆژهقانوونا بودجهى بكهن، داكو مووچهخۆرێن ههرێما كوردستانێ ههڤشێوهیێ دهڤهرێن دییێن عیراقێ مووچهیێ خوه ل دهمێ خوه وهربگرن، ئێدى نهدادپهروهرى بهرامبهر مووچهخۆرێن ههرێمێ نههێتهكرن و ژ چارچووڤێ رێككهڤتنان و قانوونا بودجهى، شایستهیێن داراییێن ههرێما كوردستانێ بهێنه هنارتن و ب ڕێیا وهزارهتا داراییا ههرێما كوردستانێ مووچه بهێنه هنارتن.</span></h3>
