باره‌گایێ بارزانى دیاركر، دیتنا سه‌رۆك بارزانى ل دۆر میكانزما به‌لاڤكرنا كورسییێن پێكهاته‌یان دهه‌لبژارتنێن په‌رله‌مانێ كوردستانێدا ئه‌وه، پێدڤییه رێ بهێته‌دان پێكهاته بخۆ بریارێ ل سه‌ر چاره‌نڤیسێ خوه بده‌ن و چ چارچووڤه‌یێن دیاركرى ب سه‌ر واندا نه‌هێنه سه‌پاندن.
باره‌گایێ بارزانى دڕاگه‌هاندنه‌كێدا دیاركر، پێكهاته پشكه‌كا ئه‌زیز و گرنگا كۆمه‌لگه‌ها كوردستانێنه و نابیت ئیستیحقاق و مافێن وان تێكه‌لى به‌رژه‌وه‌ندییێن سیاسى و نه‌دادپه‌روه‌رانه بهێنه‌كرن.
ده‌قێ ڕاگه‌هاندنا باره‌گایێ بارزانى :
سه‌باره‌ت بابه‌تێ میكانزما به‌لاڤكرنا كورسییێن پێكهاته‌یان دهه‌لبژارتنێن هه‌رێما كوردستانێدا و هه‌بوونا هنده‌ك بزاڤان بۆ گوهۆرین و ده‌ستكاریكرنا كورسی و مافێن پێكهاته‌یان و چه‌وانییا پشكدارییا وان دهه‌لبژارتناندا، دیتنا سه‌رۆك بارزانى ب وى شێوه‌ى یه كو پێدڤییه رێ بهێته دان، پێكهاته بخۆ بریارێ ل سه‌ر چاره‌نڤیسێ خوه بده‌ن و چ چارچووڤه‌یێن دیاركرى ب سه‌ر واندا نه‌هێنه سه‌پاندن، پێكهاته پشكه‌كا ئه‌زیز و گرنگا كۆمه‌لگه‌ها كوردستانێنه و نابیت ئیستیحقاق و مافێن وان تێكه‌لى به‌رژه‌وه‌ندییێن سیاسى و نه‌دادپه‌روه‌رانه بهێنه‌كرن.
