<h3 style="text-align: justify;"><span style="font-size: 18pt;">سه‌رۆكێ ده‌سته‌یا ده‌ستپاكییێ ل هه‌رێما كوردستانێ دیاركر، ئه‌ڤساله زێده‌تر ژ هزار كه‌یسێن گه‌نده‌لییێ ل ژێر لێكۆلینیێنه، سالانه ژ ئه‌نجامێ كارێ ده‌سته‌یا وان، چه‌ندین ملیار دینار بۆ داراییا گشتى دهێنه ڤه‌گه‌راندن.</span></h3> <h3 style="text-align: justify;"><span style="font-size: 18pt;">حاكم ئه‌حمه‌د ئه‌نوه‌ر سه‌رۆكێ ده‌سته‌یا ده‌ستپاكییا هه‌رێما كوردستانێ د پرێسكۆنفرانسه‌كیدا ڕاپۆرتا سالانه‌یا چالاكییێن ده‌سته‌یا ده‌ستپاكییێ ژ ده‌ستپێكا سالا 2023ێ هه‌تا 1-12 دیاركر.</span></h3> <h3 style="text-align: justify;"><span style="font-size: 18pt;">ئه‌حمه‌د ئه‌نوه‌رى ئاماژه ب هندێ كر، نوكه ل هه‌رسێ ڕێڤه‌به‌رییێن هه‌ولێر، دهۆك و سلێمانییێ، هزار و 10 كه‌یسێن گه‌نده‌لییێ ل ژێر لێكۆلینێنه، به‌راورد دگه‌ل سالا بوورى ژماره پتره.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن سه‌رۆكێ ده‌سته‌یا ده‌ستپاكییێ ل هه‌رێما كوردستانێ، د ماوێ 11 هه‌یڤاندا، 230 كه‌یسێن نوو یێن گه‌نده‌لییێ ڕه‌وانه دادگه‌هان هاتینه كرن، ژماره‌یا وانژى به‌راورد دگه‌ل سالا بوورى زێده‌بوویه.</span></h3> <h3 style="text-align: justify;"><span style="font-size: 18pt;">ئاشكرا ژى كر، سالانه چه‌ندین ملیار دینار ژ ئه‌نجامێ كارێ ده‌سته‌یا ده‌ستپاكییا هه‌رێما كوردستانێ بۆ داراییا گشتى دهێنه ڤه‌گه‌راندن.</span></h3>
