<h3 style="text-align: justify;"><span style="font-size: 18pt;">میر حازم میر ته‌حسین به‌گ، میرێ ئێزدییان داخوازێ ژ كوردێن ئێزدی دكه‌ت، ب ئاسته‌كێ به‌رفه‌رهـ پشكدارییێ د هه‌لبژارتنێن جڤاتا پارێزگه‌هاندا بكه‌ن، بۆ هندێ بشێن زێده‌ترین نوونه‌ر هه‌بن و بشێن داكۆكییێ ژ مافێن وان بكه‌ین.</span></h3> <h3 style="text-align: justify;"><span style="font-size: 18pt;">میر حازم گۆت ژی: ماوێ 9 سالانه ژماره‌كا مه‌زن یا خه‌لكێ ئێزدی دناڤ كه‌مپاندا دژین و پشكداریكرنا وان دهه‌لبژارتناندا دێ بیته جهێ خێر و گوهۆرینان بۆ وان.</span></h3> <h3 style="text-align: justify;"><span style="font-size: 18pt;">بریاره سوبه‌هى دووشه‌مبی هه‌لبژارتنێن جڤاتا پارێزگه‌هێن عیراقێ( ژبلی پارێزگه‌هێن هه‌رێما كوردستانێ) بهێنه‌كرن، كو زێده‌تر ژ16 ملیۆن كه‌سان مافێ ده‌نگدانێ هه‌یه و كۆمیسیۆنا هه‌لبژارتنێن عیراقێ ئاماده‌كاری كرینه بۆ ڤه‌كرنا حه‌فت هزار و 765 بنگه‌هێن ده‌نگدانێ كو 48 هزار و 40 وێستگه‌هێن ده‌نگدانێ بۆ ده‌نگدانا گشتی، تایبه‌ت و ئاواران بخوڤه‌دگریت.</span></h3>
