وه‌زاره‌تا شه‌هید و ئه‌نفالكریان: هه‌موو شه‌هیدێن شه‌رێ دژی داعشێ وه‌كو شه‌هیدێن كوردستانێ دهێنه‌ نیاسین

ئه‌ڤرۆ ئێكشه‌مبی” وه‌زاره‌تا شه‌هید و ئه‌نفالكریان یا حكومه‌تا هه‌رێما كوردستانێ گۆت، هه‌ر پێشمه‌رگه‌ و وه‌لاتییه‌كێ ل شه‌رێ دژی داعشێ شه‌هید بوویی، شه‌هیدێ كوردستانییه ‌بێی جۆداهی‌.

هه‌روه‌سا گۆتییه‌: ل ڤان رۆژان کەسه‌كێ وەکو شیره‌تكارا وەزارەتا کاروبارێن شەهید و ئەنفالکریان خۆ ناساندییە و لێدوانه‌ك بۆ پەیجه‌كێ دایە سەبارەت ئامارێن شەهیدێن لایەنان ل شه‌رێ دژی داعشێ.

ئه‌و ژی دیاركرییه‌: ل سه‌ر ڤی بابه‌تی‌ وەکو وەزارەت ئەڤ مه‌ ب پێدڤی زانی ڤێ رۆهنکرنێ به‌لاڤ بكه‌ین” كو‌ هەر پێشمەرگە و وه‌لاتییه‌كێ ل شه‌رێ دژی تیرۆریستێن داعشی شەهید بوویی ژ پیخه‌مه‌ت بەرگرییێ ژ ئاخ و خەلكێ کوردستانێ، ئەو شەهیدێ کوردستانێیە بێی جۆداهییا ڕەنگی و ئایدیا سیاسی.