وه‌زاره‌تا ئه‌وقاف و كاروبارێن ئایینى رێنمایه‌ك ده‌رخستی یه و د پشكه‌كا وێ دا هاتیه : ژ نوكه وێڤه دێ ل گۆره‌ى یاسایێ دیارده‌یێن سحر و جادویێ هێنه بنبركرن و كه‌سێن سه‌رپێچكار دێ رویبروى یاسایێ هێنه كرن.
مه‌لا جیهاد دوسكی سه‌رۆكێ لقێ دهۆك یێ ئێكه‌تیا زانایێن كوردستانی دیار كر: هه‌لگرتنا ناسناڤێن سه‌خته وه‌كى ده‌سته‌واژه‌یێن (شێخ، مه‌لا، قه‌شه، بانگخواز، پزیشكێ ئایینى و ناسناڤێن هه‌ڤشێوه) ب مه‌به‌ستا بده‌ستڤه‌ئینانا پاره‌ى، هه‌روه‌سا دروستكرنا نڤشتیان و جادوكرن و ده‌ركرنا ئه‌جنه‌یان هه‌روه‌سا فرۆشتنا گیا ده‌رمانان و خوارن و ڤه‌خوارنێن وه‌ك (ئاڤ، گولاڤ، هنگڤین، ره‌شكه و پێدڤیاتیێن دى) ب ناڤێ چاره‌سه‌ریا پزیشكى ئایینى قه‌ده‌غه‌نه.
