سەرۆکا فراکسیۆنا پارتی دیموکراتی کوردستان ل پەرلەمانێ عێراقێ دیار كر: کار ب جددی دهێته كرن بۆ هندێ یاسایێ بودجەیی ل سالا 2024 ێ” بهێته ھەموار كرن و پشكا بودجەیێ ھەرێما کوردستانێ و مووچەیێ فەرمانبەران ژ ئینفاقا فێعلی بهێته جۆداكرن، داكو هه‌یڤانه لدووڤ یاسایێ بودجەیێ گشتی یێ عێراقێ پشکا ھەرێما کوردستانێ بهێته ره‌واكرن.
د. ڤیان سەبری، زێده‌تر بۆ ئاژانسا خانی گۆت: ھەموارکرنا یاسایێ بودجەیێ عێراقێ گه‌له‌ك یا گرنگ و پێدڤییه و حکومەتا ھەرێما کوردستانێ دانوستاندن ل گەل حکومەتا عێراقێ ل سەر وی بابه‌تی کرییه و پێدڤییە مووچەیێ خەلكێ ھەرێمێ ژ ئینفاقا فێعلی بهێته جۆداكرن و باشتره بچیتە سەر بودجەیێ گشتی، چونکی گرێدانا مووچەیی ب ئینفاقێ فێعلی نه‌یا دروستە و هه‌كه بهێته جۆداكرن” ل وی ده‌می هه‌یڤانە دێ مووچەیێ فەرمانبەرێن هه‌رێمێ لدووڤ یاسایێ بودجەیی هێته رەوانە كرن.
ناڤهاتییێ گۆت ژی: ئه‌م وەکو فراکسیۆنا پارتی پشتی بێهنڤه‌دانا پەرلەمانی ئەولەوییه‌تا کارێ مه دێ پشكا بودجەیێ ھەرێما کوردستانێ بیت، بۆ ڤێ مه‌ره‌مێ ژی دانوستاندنێن حکومەتا ھەرێمێ ل گەل حكومه‌تا بەغدا د بەردەوامن و کار دێ هێته كرن بۆ هندێ ل سالا نوو پشکا ھەرێما کوردستانێ لدووڤ یاسایێ بودجەیی بهێته هنارتن.
