ئاژانسا خانی:
كارۆخ خۆشناو” سه‌رۆكێ په‌یمانگه‌ها ڤه‌كۆلینێن ئه‌مریكی كوردی” بۆ ئاژانسا خانی دیار كر: ئەمریکا دشێت رۆله‌كێ مه‌زن د چارەسەرکرنا کێشێن هەولێر و بەغدا بگێریت و محه‌مه‌د شیاع سوودانی بزاڤان دكه‌ت کێشان چارەسەر بکه‌ت، هه‌ر چه‌نده هه‌موو تشت د ده‌ستێن ویدا نینن.
ناڤهاتی گۆت ژی: هه‌تا نوكه ئارمانجێن ئەمریکا دناڤا عێراقێدا بجهنه‌هاتینه، هەر چەندە ئه‌مریكا رزگارکەر و دارێژەرا عێراقێ بوویه، ئه‌مریكا رۆلی سەرەکی هەبوو د نڤێسینا دەستوورێ عێراقێ دا ل سالا 2005 ێ” هه‌روه‌سا ئەمریکا دشێت وەکو چاڤدێر و ناڤەندگیر بۆ بجهئینانا دەستوور و رێککەفتنێن دناڤبه‌را هەردو حکومەتێن عێراقێ و هەرێما کوردستانێ دا کاربکه‌ت؛ ئەمریکا دشێت رۆله‌كێ مه‌زن بگێریت د چارەسەرکرنا کێشاندا، چونکی دزانیت هەرێما کوردستانێ پابەندییێن خۆ بەرامبەری حکومەتا فیدرالی دا بجهئیناینه”.
کارۆخ خۆشناوی گۆت ژی، نوكه هنده‌ك لایەن پێکهێنەرێن حکومەتا عێراقێنه، ل گەل هندێ نینن کێشێن هه‌لاویستی یێن دناڤبه‌را هەولێر و بەغدا بهێنه چارەسەركرن” کورد و سوننە ل دەستهه‌لاتا نوكه یا شیعان نیگەرانن و هه‌كه دناڤا حکومەتێدا نەمینن، کابینا نوكه یا سوودانی دێ ژناڤچیت” هه‌روه‌سا هنده‌ك لایەنێن شیعی یێن عێراقی ل گەل ئەوێ جینۆسایدا ئابوورینه یاكو نوكه ل دژی گەلێ کوردستانێ دهێته كرن. ئەگەر ئەڤ سیاسەتە ل دژی گەلێ کورد یا بەردەوام بیت، عێراق دێ به‌ره‌ف شكه‌ستنێ ڤه‌چیت شکست، حکومرانییا شیعان ژی دێ به‌ره‌ف ژناڤچوونێ چیت.
