وه‌زاره‌تا ساخله‌مییا هه‌رێما كوردستانێ دیاركر: ل رۆژێن كریسمسێ و بێهنڤه‌دانا سه‌رێ سالێ دا دێ ده‌واما سازیێن ساخله‌میێ به‌رده‌وام بیت و چه‌وانیا كارێ وان سازیان ده‌ستنیشانكر.
هه‌روه‌سا گۆتییه “ل رۆژێن كریسمسێ و بێهنڤه‌دانا سه‌رێ سالێ دێ نه‌خۆشخانێن هه‌وارهاتنێ 24 ده‌مژمێران د ڤه‌كرى بن ب شێوێ نوبه‌دارى، ده‌واما نه‌خۆشخانان دێ ب شێوێ نوبه‌دارى بیت، كلینیكێن ده‌ره‌كى دێ ل رۆژێن بێهنڤه‌دانێ د ڤه‌كرى بن، شیره‌تكاریێن 24 ده‌مژمێرى دێ د ڤه‌كرى بن و خشتێن ده‌واما وان دێ ژ لایێ رێڤه‌به‌ریێن گشتى ڤه هێنه دیاركرن”.
هه‌روه‌سا ديار كرییه “سه‌نته‌رێن شویشتنا گولچیسكان دێ ب شێوێ نوبه‌دارى به‌رده‌وام بن كو ژ لایێ رێڤه‌به‌ریێن گشتى ڤه دێ هێته دیاركرن، تیمێن هه‌وارهاتنێ و هێلا 122 دێ د ئه‌رك و كارێن خۆ دا به‌رده‌وام بن ب شێوێ 24 ده‌مژمێرى و خشتێ دابینكرنا تیمان بۆ جهێن گشتى و گه‌شیارى دێ هێته دانان، ل ده‌مێن پێدڤێ دێ كۆگه‌هێن ده‌رمانان و پێدڤیاتییێن نۆشدارى و تاقیگه‌هان ل هه‌موو باژێڕ و باژێڕكان د ڤه‌كرى بن، تیمێن پشكنینا ئاڤا ڤه‌خوارنێ یا مالان و نه‌خۆشیێن ڤه‌گوهاستى و چاڤدێرییا ساخله‌مییێ دێ د دووڤچوونێن خۆدا د به‌رده‌وام بن و پێشكێشكرنا خزمه‌تگۆزارییێن ساخله‌مییێ بۆ ئاواران ل كه‌مپان دێ به‌رده‌وام بن زێده‌بارى پێگیرییا نۆشدارێن پسپۆر و ئاكنجى و په‌رستار و كارمه‌ندێن ساخله‌مییێ ب ده‌واما نوبه‌دارییێ د رۆژێن بێهنڤه‌دانێ دا”.
هه‌روه‌سا گۆتییه ” هێلێن مۆبایلێ یێن رێڤه‌به‌ر و به‌رپرس و وه‌رگرێن پشكان دێ د ڤه‌كرى بن و د رۆژێن بێهنڤه‌دانێ دا دێ به‌رسڤا په‌یوه‌ندییان ده‌ن، لژنێن دووڤچوونێ ل هه‌موو رێڤه‌به‌رییێن گشتى و نه‌خۆشخانان دێ به‌رده‌وام د دووڤچوونا ده‌واما نه‌خۆشخانان و ده‌زگه‌هێن ساخله‌مییێ كه‌ن” بۆ هه‌ر كاره‌كێ ب له‌ز دێ هێلا گه‌رم یا په‌یوه‌ندییان ژی هه‌بیت”هه‌روه‌سا پێدڤییه سه‌نته‌رێن پێدانا چاره‌سه‌رییا كیمیایى بۆ نه‌خۆشێن په‌نجه‌شێرێ ب شێوێ نوبه‌دارى د ڤه‌كرى بن.
