سەرۆکێ دەستەیا وەبەرھێنانێ ل ھەرێما کوردستانێ دیار كر: د كابینا نههێ یا حكومهتا ههرێما كوردستانێ دا ب كوژمێ پتر ژ 17 ملیار دۆلاران مه مۆلهت دایه پتری 400 پڕۆژان ل 11 سێکتەرێن جۆدا، ئەوان پڕۆژان ههتا نوكه نێزیكی 150 ھزار دهلیڤێن کاری ب رهنگهكێ ڕاستەوخۆ بۆ خەلكێ پهیدا كرینە.
د. محەمەد شوکری، زێدهتر بۆ ئاژانسا خانی گۆت: ل ٢٨/٧/٢٠١٩ ههتا ٢١/١٢/٢٠٢٣ ێ وان مۆلهت دایه 404 پڕۆژان، ل هەولێرێ 159 پڕۆژە، ل ھەلەبجە 5 پڕۆژە، ل گەرمیان 23 پڕۆژە، ل ڕاپەرین 10 پڕۆژه، ل سلێمانییێ ژی 110 پڕۆژە، ل سۆران 7 پڕۆژە، ل زاخۆ 16 پڕۆژە و ل دھۆکێ 74 پڕۆژە، سەرمایێ سەرجەم پڕۆژان 17 ملیار و 256 ملیۆن و 531 ھزار و 263 دۆلار بوون.
ناڤهاتی گۆت ژی: ئەو پڕۆژه د 11 سێکتەرێن جۆدا دا مۆلهت وهرگرتینه، ئەو ژی بازرگانی، بانک، ساخلهمی، پیشەسازی، گەشتیاری، فێرکرن، چاندن، ئاكنجیبوون، ھونەری و وەرزشینه” د وان پڕۆژێن وەبەرھێنانێ دا ب رهنگهكێ ڕاستەوخۆ مه نێزیکی ١٥٠ھزار دهلیڤێن کاری پهیدا كرینە.
